Elimizde «Sarai syry» atty tarihi telehikaianyń túsirilimi bastaldy, dep habarlaidy "Ult aqparat".
«Aqparat jáne qoǵamdyq damý ministrliginiń tapsyrysymen el tarihyna qatysty taǵy bir tanymdyq telehikaiany túsirý jumysy bastaldy. «Sarai syry» serialy – Bókei ordasynda 1823-1845 jyldary bilik qurǵan Jáńgir hannyń tulǵasy, handyqtyń ishki ómiri men sol kezeńniń keibir tarihi sátteri týraly bolmaq. Keshe shyǵarmashylyq toppen arnaiy kezdesip, túsirilim jumysyna tilektestik bildirdik», - dep jazdy Aqparat jáne qoǵamdyq damý ministri Aida Balaeva Facebook-te.
Ministr QR Prezidenti Qasym-Jomart Toqaev ulttyq kinoǵa, sonyń ishinde tarihi týyndylarǵa erekshe kóńil bólý kerektigi týraly únemi sóz qozǵaitynyn aityp ótti.
«Sebebi, kino óneri – kórermenge tek bir sáttik qyzyqty dúnie jasap shyǵý emes. Bul, eń birinshi kezekte, qoǵamnyń sanasyn jańǵyrtatyn ideologiialyq tárbie quraly. Sondyqtan, búgingi Táýelsizdiktiń 30 jyldyǵy belesinde, egemen eldiń kózqarasymen ótken tarihymyzdy qaita túgendep, ásirese óskeleń urpaqqa ult tulǵalaryn tereń tanystyryp otyrýdyń mańyzy zor.
Kileń talantty óner maitalmandarynyń qatysýymen túsiriletin telehikaia biik talǵamdy kórermen qaýymnyń kóńilinen shyǵyp, qoǵam tarapynan zor yqylasqa ie bolady dep senemin. Shyǵarmashylyq ujymǵa sáttilik tileimin!», - dedi Aida Balaeva.
