Foto: ashyq derekkóz
Atyraý oblysynyń Qyzylqoǵa aýdanyna qarasty Jangeldin aýylynda habar-osharsyz ketken otbasy isinde taǵy eki adamnyń joǵalǵany belgili boldy, dep habarlaidy Ult.kz.
Bul joly áńgime otbasy basshysy Maksot Qarabalinniń qyzy Aqbaian men onyń jubaiy Sultan týraly bolyp otyr.
Týystarynyń aitýynsha, Aqbaian men kúieýi 5 qarasha kúni turǵylyqty mekenjaiynan shyǵyp ketkennen keiin olarmen bailanys tolyq úzilgen. Olardyń joǵalýy otbasynyń ózge músheleriniń qarasha aiynda iz-túzsiz ketýimen ýaqyt jaǵynan sáikes keledi.
Jaqyndarynyń pikirinshe, bul derek atalǵan oqiǵalardyń ózara bailanysty bolýy múmkin ekenin kórsetedi. Aita keteiik, Aqbaian negizgi otbasy múshelerinen bólek turǵan.
Erli-zaiyptynyń joǵalýynan keiin olardyń kámeletke tolmaǵan bes balasy ata-anasyz qalyp, týystarynyń qamqorlyǵyna berilgen. Balalardy baýyryna basqan ájesi ata-analardyń balalaryn ádeii tastap ketýi múmkin degen nusqaǵa senbeitinin aitty.
Politsiia málimetinshe, qazirgi tańda resmi túrde tórt adamǵa izdeý jariialanǵan. Al qalǵan eki adamnyń joǵalýyna qatysty aqparat tekserilip jatyr.
