Almaty qalasynyń bas sanitariia dárigeri Jandarbek Bekshin oflain formatta oqityn mektep oqýshylary arasynda koronavirýs infektsiiasynyń taralý úderisi týraly aitty, dep habarlaidy QazAqparat.
Onyń málimetinshe, mektep oqýshylary infektsiiany gipertaratýshylar.
«Biz oqýshylarǵa erekshe nazar aýdarymyz. Sebebi olar infektsiianyń gipertaratýshylary. Qazir qalada 287 myń bala oflain formatta oqyp jatyr. 1 qyrkúiekten bastap 1 287 oqýshy aýyrdy, onyń 15-i statsionarlarǵa tústi, qalǵandary jeńil túrimen aýyrǵandyqtan úide oqshaýlandy. Qazir olardyń 900-den astamy mektepke oraldy. Sonymen qatar, onlain-oqýda qalǵan oqýshylar arasynda 1 039 adam juqtyrdy. Biz mektepte oqityndardyń tek 0,45 paiyzy, al onlain rejiminde oqityndardyń 5,4 paiyzy aýyrǵanyn kórip otyrmyz. Oflain oqýda oqýshylardyń aýrýshańdyǵy 12 ese tómen boldy», - dedi Jandarbek Bekshin.
Spikerdiń sózinshe, mektepterde oqityn balalar 12 ese az aýyrdy.
«Almatynyń birde-bir mektebi jáne aýysymdardyń eshqaisysy 1 qyrkúiekten bastap karantinge jabylǵan joq. Bilim mekemeleriniń 30 paiyzynda koronavirýs anyqtalǵan jaǵdaida ǵana mektepter jabylady. Bizde mundai jaǵdai tirkelgen joq. Kerisinshe, tamyz aiynan bastap oqýshylar arasynda syrqattaný táýligine 100 jaǵdaidan táýligine 38-42 jaǵdaiǵa deiin azaidy», - deidi ol.
