Búgin Almatydaǵy №5 qalalyq aýrýhanada densaýlyq saqtaý mekemeleriniń basshylary vaktsina saldyrdy, dep habarlaidy «Ult aqparat».
Qala ákiminiń orynbasary Erjan Babaqumarov, Almaty qalasynyń bas memlekettik sanitarlyq dárigeri Jandarbek Bekshin jáne qalalyq densaýlyq saqtaý basqarmasynyń bastyǵy Nariman Tabynbaev alǵashqylardyń biri bolyp koronavirýsqa qarsy Spýtnik V» vaktsinasyn saldyrdy.
«Men múldem ýaiymdap turǵanym joq. Sebebi atalǵan vaktsina qaýipsizdiktiń birinshi kezeńinen sátti ótti. Reseide eki millionnan astam adam vaktsinalandy. Sondyqtan, alańdaýshylyq joq. Bul vaktsinanyń sapasyna, tiimdiligine esh kúmán keltirmeimin», - dedi Jadarbek Bekshin vaktsinatsiia aldynda.
Sonymen qatar, ol qazaqstandyq vaktsina QazCovid-In klinikalyq synaqtardyń taǵy bir kezeńinen ótip jatqanyn aitty.
Eske salaiyq, birinshi kezeńinde vaktsina infektsiialyq aýrýlardyń jedel meditsinalyq kómek, jansaqtaý, qabyldaý bólimshesiniń qyzmetkerleri men sanitarlyq epidemiologiia qyzmetkerlerine salynady.
Ekinshi kezeńde jalpy bilim beretin mektep, joǵary jáne arnaýly orta bilim beretin oqý oryndarynyń muǵalimderi, meditsinalyq qyzmetkerlerge egiledi.
Úshinshi kezeń 1 sáýirden bastalady. Ol kezde mektep, internat muǵalimderi, mektepke deiingi mekeme qyzmetkerleri, stýdentter men sozylmaly aýrýy bar naýqastar qamtylady.
Aita keteiik, Reseide daiyndalǵan «Spýtnik V» vaktsinasynyń 2050 dozasy keshe Almatyǵa jetkizilgen bolatyn. Almaty qalasy ákiminiń orynbasary Erjan Babaqumarov halyqty immýndaýdyń mańyzdylyǵyn atap ótti.
«Vaktsinatsiia – bul pandemiiamen kúrestegi sheshýshi qadam. Búgin men onyń mańyzdylyǵyn, qaýipsizdigin kórsetý úshin vaktsinany qabyldadym. Jaqynda ózimizdiń otandyq vaktsina egýge daiyn bolady. Biz ǵalymdarǵa senemiz. Sondyqtan men qala turǵyndaryna – barlyǵyna osy qadamdy jasaýǵa keńes beremin. Vaktsinalaý júrip jatqan kezde biz maska taǵýdy, áleýmettik araqashyqtyqty saqtaýdy jalǵastyrýymyz jáne virýspen kúresýdiń basqa sharalaryn qoldanýǵa tiispiz», — dedi E. Babaqumarov.
