Atameken Business telearnasynyń tikelei efirinde qalalyq Sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin kinoteatrlardyń jumysyna qoiylǵan talaptardy túsindirdi, dep habarlaidy QazAqparat.
Jýrnalister kinoteatrlarǵa onsyz da az keletin adamdar qaladaǵy epidemiologiialyq ahýalǵa qalai yqpal etetinin surady.
«Bizde QR bas memlekettik sanitarlyq dárigeriniń qaýlysy bar. Ol qaýlyda belgili bir óńirlerdiń «qyzyl» nemese «jasyl» aimaqqa kirgenine bailanysty shekteý sharalary taǵaiyndalǵan. Onyń barlyǵy reglamenttelgen. Bul jaǵdaida «qyzyl» aimaqtaǵy óńirlerde ornalasqan kinoteatrlar men teatrlardyń jumysyna shekteý qoiylady. Biz bas memlekettik sanitarlyq dárigerdiń qaýlysyn oryndaýymyz tiis. Ony jeńildetýge qaqymyz joq», - dedi Jandarbek Bekshin.
Aita ketý kerek, Almaty qalasynyń «qyzyl» aimaqqa enýine bailanysty qalalyq Sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin jańa qaýly qabyldaǵan bolatyn.
Qaýlyǵa sáikes saýda, oiyn-saýyq ortalyqtary men bazarlar senbi-jeksenbi kúni jumys istemeidi.
Al kinoteatrlar men teatrlardyń jumysy ýaqytsha toqtatyldy.
Sonymen qatar, jańa qaýlyǵa sáikes endi koronavirýs juqtyrǵan adamdaraýrýhanaǵa jatyp emdeledi.
