Qalalyq Sanitariialyq-epidemiologiialyq baqylaý departamentiniń basshysy Jandarbek Bekshin jańa shekteýlerdiń qashan alynatynyn qatysty boljam aitty, dep habarlaidy "Ult aqparat".
Almaty 1 aptadan beri koronavirýstyń taralýy boiynsha qyzyl aimaqqa kirdi. Osyǵan bailanysty 1 aqpannan bastap karantin sharalary kúsheitiledi.
«Karantinnen shyǵý úshin bizge eń aldymen qyzyl aimaqtan shyǵýymyz kerek. Sol kezde sary aimaqtyń shekteý sharalaryna aýysamyz. Qazir aýyrǵandardyń táýliktik kórsetkishi azaiyp keledi. Turǵyndar karantin talaptaryn qatań ustanatyn bolsa, onda qalanyń qyzyl aimaqtan tezirek shyǵýyna birden bir alǵyshart bolady. Almaty qyzyl jáne sary aimaqtyń shekarasynda tur», - dedi Bekshin Atameken Business telearnasynyń tikelei efirinde.
Aita ketý kerek, búgin qalalyq Bas memlekettik sanitar dárigeri Jandarbek Bekshin jańa qaýly qabyldaǵan bolatyn.
Qaýlyǵa sáikes saýda, oiyn-saýyq ortalyqtary men bazarlar senbi-jeksenbi kúni jumys istemeidi.
Al kinoteatrlar men teatrlardyń jumysy ýaqytsha toqtatyldy.
Sonymen qatar, jańa qaýlyǵa sáikes endi koronavirýs juqtyrǵan adamdar aýrýhanaǵa jatyp emdeledi.
