Almatydaǵy koronavirýs boiynsha epidemiologiialyq jaǵdai sońǵy 4 kúnde kúrt nasharlady, kúnine 125-132 jaǵdai tirkelip jatyr. Bul týraly onlain brifing barysynda qalanyń bas memlekettik sanitary Jandarbek Bekshin aitty, dep habarlaidy "Ult aqparat".
Onyń aitýynsha, pandemiia bastalǵaly beri Almaty qalasynda koronavirýs infektsiiasyn 21547 adam juqtyrdy. 1662 almatylyqtan koronavirýs pnevmoniiasy anyqtaldy.
«Qańtar aiynyń 26 kúninde 3026 KVI jáne 237 pnevmoniia jaǵdaiy tirkeldi. Almaty qalasynyń qyzyl aimaqqa kóshýin kelesidei túsindiremiz, kez kelgen juqpaly aýrýdyń epidemiologiialyq protsesi tolqyn tárizdi aǵymǵa ie (órleý men quldyraýdyń kezektesýi) - COVID-19 epidemiiasy da osy zańdylyqqa baǵynady: Almatyda COVID-19 epidemiiasy bastalǵannan bastap naýryz – sáýir ailarynda alǵashqy tolqyn bastaldy (82 jáne 969 jaǵdai), shilde aiynda 6 myńnan astam jaǵdai tirkelip tolqynnyń shyńyna jetti, qyrkúiek aiynda 165 jaǵdaiǵa deiin tómendedi. Qazan aiynan bastap (366 jaǵdai) aýrýdyń ósýi bastaldy (ekinshi tolqyn), qazirgi ýaqytta sol jalǵasýda», - deidi Jandarbek Bekshin.
Sonymen qatar, ol 31 jeltoqasannan bastap koronavirýs juqtyrǵandardyń sany kúrt ósip jatqanyn aitty.
«Almaty qalasyndaǵy KVI boiynsha epidemiologiialyq jaǵdai sońǵy 4 kúnde kúrt nasharlady, kúnine 125-132 jaǵdai tirkelip jatyr. KVI jaǵdailaryn epidemiologiialyq tekserý barysynda qoǵamdyq oryndarda naýqastardyń 40%-y, qoǵamdyq kólikte naýqastardyń 20%-y, sondai-aq aýyrǵandardyń otbasylardyń 28%-y juqtyrǵany anyqtaldy. Sońǵy 3 aptada otbasylyq is-sharalarda (toi jáne otbasylyq is-sharalar j.t.b.) sondai-aq kinoteatrlar men teatrlarǵa barǵan kezde juqtyrǵan jaǵdailarda tirkeldi», - deidi ol.
KVI joǵary aýrýshańdyǵy 20-39 jas aralyǵyndaǵy azamattar arasynda 35% deńgeiinde, 40-59 jas aralyǵynda 27-28% deńgeiinde tirkelýde, bul saýda obektilerine (saýda oiyn-saýyq ortalyqtary, saýda úileri, bazarlar) men qoǵamdyq tamaqtaný oryndaryna barý jáne qoǵamdyq kólikti paidalanýmen bailanysty.
«Almaty qalasynyń departamenti áleýmettik qashyqtyqty, maska-qolǵap rejimin saqtaý, adamdar kóp jinalatyn jerlerden aýlaq bolý qajettiligi týraly halyqty eskertý boiynsha júieli túrde jumys júrgizýde. Biz qyzyl aimaqqa sáikes shekteý sharalaryn engizý boiynsha QR BMSD qaýlysyn mindetti túrde iske asyrý sheńberinde jumys isteimiz», - dedi qalanyń bas memlekettik sanitar dárigeri.
