Bul týraly «Nechestnaia vlast» Telegram-kanaly habarlaidy.
Bos sóz ben naqty istiń aiyrmashylyǵyn bilgiń kelse, Janbolat Mamaidyń is-áreketin baqylaý jetkilikti. Birneshe aidan beri jalǵan oppozitsioner sot zalynan shyǵa almai júrgenin kórip kelemiz. Barǵan saiyn bir qyzyq qoiylym qoiyp, shetinen sátsizdikke tap bolyp, onyń oppozitsiiadaǵy qyzmetin baqylap júrgen eldiń ishin pystyrdy.
Búgin Mamaidyń praktikasyndaǵy kezekti sot protsessi ótti. Onda Janbolat men áieli júrgizýshi kýáliginen aiyryldy. Ekeýi qazir áleýmettik jelide búkil Qazaqstanǵa zar jylap, bar ashý-yzasyn shyǵaryp jatyr. «Aidaǵany bes eshki, ysqyryǵy jer jarady» demekshi, Mamaidyń qolynda dáleli joq. Sóite tura kózine kóringen tanymal tulǵalarǵa tas laqtyrýyn qoimaidy. Sot protsessterine daiyndyqsyz kelip, «óner» kórsetedi.
Aitpaqshy, áý basta Janbolattyń janynda aqyl aityp úsh zańger júrgen-di. Qazir jalǵyz Erlan Qaliev qaldy. Qalǵan ekeýi qashyp ketti. Joly bolmaǵan klientpen jumys isteýge kim qumartsyń? Al Qalievtiń áreketi esi durys adamdy tańǵaldyrmai qoimaidy. Óitkeni zańger deitindei bilikti emes. Isti saýatsyz júrgizetini sonsha, onyń qorǵaýyndaǵy Mamai kún saiyn quldyrap jatyr.
Janbolat tyqyr taianǵanyn sezedi. Buryn ózin bilikti synaǵysh, kúresker retinde áspetteitin. Qazir ádilet júiesiniń qurbany retinde kórsetip, ózine degen aianysh týdyrýdy kózdeitin tárizdi. Biraq halyq aqymaq emes. Biraz ýaqyt buryn Ámirjan Qosanov, Ermurat Bapi, Muhtar Ábiliazovtyń sońynan eretin halyq. Mamai bolsa ańǵal adamdardy oppozitsiianyń áreket qabilettiligine sendirmeý úshin qoldan kelgenniń bárin jasap baqty. Halyqtyń narazy tobyn adastyryp jatyr. Osylaisha oppozitsiianyńi bedelin túsirip, janazasyn shyǵardy. Budan Mamaidyń biliktiń qolshoqpary ekenin ańǵarý qiyn emes. Áitpese baiaǵyda-aq túrmege qamaityn edi. Soǵan qaraǵanda Mamaidyń missiiasy qazaqstandyq oppozitsiianyń janazasyn shyǵaryp, tabytyna sońǵy shegeni qaǵyp berý siiaqty.
