Belsendi Janbolat Mamai eki aiǵa qamaýǵa alyndy, - dep habarlaidy Tengrinews.kz Almaty qalalyq PD baspasóz qyzmetine silteme jasap.
Almaty Politsiia departamenti málimetinshe, Janbolat Mamaiǵa qatysty Almaty PD Tergeý basqarmasy QR QK-nyń 378-baby, 2-bóliginde ("Bilik ókilin qorlaý") jáne 274-baby, 2-bóliginde ("Kórineý jalǵan aqparat taratý") kózdelgen qylmys belgileri boiynsha qylmystyq isti tergep jatyr.
"Tergeýshiniń ótinishi boiynsha sot azamat Janbolat Mamaidy eki ai merzimge qamaýǵa alýdy sanktsiialady", - dep túsindirdi politseiler.
