Energetika ministrligi jańartylatyn energiia kózderin ornatýǵa 1 trln teńge investitsiia tartady. Bul týraly vedomstvo basshysy Maǵzum Myrzaǵaliev Úkimet otyrysynda málim etti, dep habarlaidy QazAqparat.
«Ekologiiany jaqsartý quraldarynyń biri – jańartylatyn energiia kózderi. Qazir respýblikada belgilengen qýaty 1975 MVt bolatyn 126 jańartylatyn energiia kózderiniń obektisi jumys isteidi.
2021 jyly jańartylatyn energiia kózderiniń obektileri shamamen 4 mlrd kVt/saǵ energiia óndiredi dep boljanýda. Bul jalpy elektr energiiasyn óndirý kóleminiń 3,5%-y degen sóz. Tórt jyl ishinde 62 jańartylatyn energiia kózin ornatý jobasyn jáne qýaty 1 GVt bolatyn iri aýqymdy jańartylatyn energiia kózderi jobalaryn paidalanýǵa berý josparlanýda», - dedi Maǵzum Myrzaǵaliev.
Onyń aitýynsha, atalǵan jobalardy iske asyrý úshin 1 trln teńge investitsiia tartylmaq.
«Qosymsha 6 mlrd kVt/saǵ jasyl energiia óndirý de josparlanǵan. 2025 jylǵa qarai jańartylatyn energiia kózderiniń úlesi 6% qurap, al 2030 jylǵa qarai 15% -dan kem bolmaidy», - dedi ministr.
