ەنەرگەتيكا مينيسترلٸگٸ جاڭارتىلاتىن ەنەرگييا كٶزدەرٸن ورناتۋعا 1 ترلن تەڭگە ينۆەستيتسييا تارتادى. بۇل تۋرالى ۆەدومستۆو باسشىسى ماعزۇم مىرزاعاليەۆ ٷكٸمەت وتىرىسىندا مەلٸم ەتتٸ, دەپ حابارلايدى قازاقپارات.
«ەكولوگييانى جاقسارتۋ قۇرالدارىنىڭ بٸرٸ – جاڭارتىلاتىن ەنەرگييا كٶزدەرٸ. قازٸر رەسپۋبليكادا بەلگٸلەنگەن قۋاتى 1975 مۆت بولاتىن 126 جاڭارتىلاتىن ەنەرگييا كٶزدەرٸنٸڭ وبەكتٸسٸ جۇمىس ٸستەيدٸ.
2021 جىلى جاڭارتىلاتىن ەنەرگييا كٶزدەرٸنٸڭ وبەكتٸلەرٸ شامامەن 4 ملرد كۆت/ساع ەنەرگييا ٶندٸرەدٸ دەپ بولجانۋدا. بۇل جالپى ەلەكتر ەنەرگيياسىن ٶندٸرۋ كٶلەمٸنٸڭ 3,5%-ى دەگەن سٶز. تٶرت جىل ٸشٸندە 62 جاڭارتىلاتىن ەنەرگييا كٶزٸن ورناتۋ جوباسىن جەنە قۋاتى 1 گۆت بولاتىن ٸرٸ اۋقىمدى جاڭارتىلاتىن ەنەرگييا كٶزدەرٸ جوبالارىن پايدالانۋعا بەرۋ جوسپارلانۋدا», - دەدٸ ماعزۇم مىرزاعاليەۆ.
ونىڭ ايتۋىنشا, اتالعان جوبالاردى ٸسكە اسىرۋ ٷشٸن 1 ترلن تەڭگە ينۆەستيتسييا تارتىلماق.
«قوسىمشا 6 ملرد كۆت/ساع جاسىل ەنەرگييا ٶندٸرۋ دە جوسپارلانعان. 2025 جىلعا قاراي جاڭارتىلاتىن ەنەرگييا كٶزدەرٸنٸڭ ٷلەسٸ 6% قۇراپ, ال 2030 جىلعا قاراي 15% -دان كەم بولمايدى», - دەدٸ مينيستر.
