Qazaqstan janarmaidy syrtqa shyǵarýǵa qoiylǵan tyiymdy 180 kúndik meje bitken soń da jalǵastyrýy múmkin. Energetika ministri Bolat Aqsholaqov elde ortalyq kommýnikatsiialar qyzmetinde ótken brifingide osyndai málimet aitty, dep habarlaidy QazAqparat.
«Qańtardyń basynda janarmaidy syrtqa shyǵarýǵa 180 kúndik moratorii jariialanǵany belgili. Bul meje bitken soń da sol tyiym jalǵasa ma? Álde alyp tastaýǵa alǵysharttar bar ma?», - dep surady BAQ ókili.
«Bizdiń negizgi mindetimiz – janarmai baǵasynyń kúrt ósýine jol bermeý. Sondyqtan ministrliktegi áripesterimizben birge bárimiz bul máseleni talqyladyq. Janarmaidy syrtqa shyǵarýǵa qoiylǵan tyiymdy mamyr aiynan keiin de jalǵastyratyn shyǵarmyz. Ishki naryqta janarmai ýaqtyly jetip turýy úshin jáne baǵanyń ósýine jol bermeý úshin sol isteitin shyǵarmyz», -dedi Bolat Aqsholaqov.
Energiia ministri atalmysh brifingide, munai óńdeý zaýyttaryn jóndeý jumystary egin naýqanyna kedergi keltirmeitindei keste jasalyp jatqanyn aitty.
«Shymkenttegi munai óńdeý zaýytynyń jóndeý merzimin 2022 jyldyń qarashasynan 2023 jylǵa jyljytý máselesi boiynsha jumys júrip jatyr. Al Pavlordadaǵy zaýytty jóndeý merzimin biylǵy maýsym aiynan shildeniń ortasyna jyljytý kózdelip otyr. Iaǵni, jóndeý jumystary kóktemgi egis aiaqtalǵannan keiin ǵana jóndeýge jabylýy kerek», - dedi Bolat Aqsholaqov.
