Foto: politeka.net
Jańaózen qalasynda zańsyz oiyn biznesimen ainalysatyn uiymdasqan qylmystyq toptyń joly kesildi, dep habarlaidy "Ult aqparat" Qarjylyq monitoring agenttigine silteme jasap.
Qatysýshylar oiynhananyń turaqty jumys isteýi úshin oiyn oinaýǵa arnalǵan kompiýterler balansyn júieli túrde tolyqtyryp, nysannyń qaýipsizdigin qamtamasyz etip, zańsyz paidany jinap, basqa da uiymdastyrý-basqarý qyzmetterin atqarǵan.
"Tintý kezinde oiyn oinaýǵa arnalǵan qurylǵylar: júielik bloktar, monitorlar, chek printerleri men skanerleri, teledidarlar, telefondar jáne qolma-qol aqsha alyndy.
Zańsyz áreketten túsken qylmystyq kiris kólemi 77 mln teńgeden asty.
Tergeý jalǵasyp jatyr" - delingen habarlamada.
QR QPK 201-babyna sáikes ózge de málimetter jariia etýge jatpaidy.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
