«Qazaqstan» TRK» AQ qarasty «Respýblikalyq radio» jaýapkershiligi shekteýli seriktesti quryldy. Quramyna Qazaq radiosy, «Shalqar», «Astana», «Classic» radiolary kiretin seriktestik óz jumysyn 2017 jyldyń 1 qańtarynan bastaidy.
«Respýblikalyq radio» JShS direktory qyzmetine Qazaqstan Respýblikasynyń aqparat jáne kommýnikatsiialar ministri D.Á. Abaevtyń kelisimimen Dosymbek Qonysbekuly Óteǵaliev taǵaiyndaldy. 1976 j. 7 sáýirinde týǵan ol Ál-Farabi atyndaǵy QazUÝ jýrnalistika fakýltetiniń túlegi, M.H. Dýlati atyndaǵy Taraz memlekettik ýniversitetinde «zańger» mamandyǵyn alǵan, jýrnalistika magistri.
1997 jyldan bastap BAQ salasynda qyzmet etip keledi. 1997-2011 jj. «Shahar» TRK teleradiobaǵdarlamalar júrgizýshisi; 2000-2001 jj. «Almaty – Iýjnaia stolitsa» TRK jańalyqtar júrgizýshisi; 2001-2004 jj. «Habar» Agenttiginiń jańalyqtar júrgizýshisi, prodiýser; 2005-2008 jj «31 arna» TRK «Informbiýro» shyǵarýshy redaktory; 2008-2009 jj. «Almaty» TRK Aqparattyq-saraptamalyq baǵdarlamalar Direktsiiasynyń Direktory; 2009 j. bastap «Almaty» TRK bas prodiýseri, 2010 j.bastap «ZAŃ» Media-korporatsiiasy» JShS prezidenti qyzmetterin atqarǵan.
Búgin direktordy ujymǵa tanystyrý barysynda «Qazaqstan» teleradiokorporatsiiasy» AQ Basqarmasynyń Tóraǵasy K.B. Oishybaev radiolardyń jumysyn jandandyrý, reitingti joǵarlatý, baǵdarlamalardyń sapasyna nazar aýdarý sekildi taqyryptarǵa asa kóńil bólýge shaqyrdy. Dosymbek Óteǵalievtiń tájiribeli maman ekenin aita kele, artylǵan jumysty ádildikpen atqaratynyna úlken senim bildirdi.
«Qazaqstan» TRK» AQ Basqarmasynyń tóraǵasy K.Oishybaev:
- Birinshi maqsat – tyńdarman sanyn kóbeitý. Aldaǵy úsh jyl ishinde qazaq radiosyn birinshi orynǵa shyǵarý qajet. Qoiylǵan talapqa jetemiz dep senemin. Ár radionyń óz baǵytyn aiqyndaý kerek. Máselen, Qazaq radiosy men «Shalqar» radiosynyń baǵdarlamalar jelisi ár basqa bolýy kerek. Baǵdarlamalardyń erekshe qyzyq bolýyn da esten shyǵarmaǵan jón. Reitingti joǵarlatýǵa barlyq múmkindik bar, sony qoldanaiyq, - dedi.
Radiolardyń qyzmetkerleri «Respýblikalyq radio» jaýapkershiligi shekteýli seriktestiginiń quramyna úsh ai synaq merzimimen ornalastyrylady. Aldaǵy ýaqytta «Qazaqstan» TRK quramy keńeiip, jastarǵa arnalǵan internet televiziia ashý josparda bar jáne qazaq dástúrin saqtaý maqsatynda «Altyn qor» bólimi ashylmaq. Radioqyzmetkerler atalǵan bólimderge de ornalastyrylatyn bolady.
Óz kezeginde «Respýblikalyq radio» JShS direktory D.Óteǵaliev bir ǵasyrǵa jýyq tarihy bar Qazaq radiosyn, 50 jyldan astam tarihy bar «Shalqar» radiosyn jáne óz kórermeni bar «Astana» men «Classic» radiolarynyń jumys barysyn aitarlyqptai ózgertpeitinin, alaida shyǵarmashylyq baǵytta óz kózqarasynyń bar ekenin jetkizdi, radiolardyń bolashaǵy úshin tyǵyz jumys isteýge shaqyrdy.
Bas direktor – Qazaq radiosynyń direktory qyzmetin atqarǵan Mahat Kábiruly Sadyq qyzmetin Qazaq radiosynyń Bas redaktory retinde jalǵastyrady.
Sonymen qatar, búgin «Qazaqstan» Ulttyq telearnasynyń aqparattyq baǵdarlamalar direktsiiasynyń direktory tanystyryldy. Atalǵan qyzmetti Erlan Nurbaiuly Atambai atqarady. E.A. Bóketov atyndaǵy Qaraǵandy Memlekettik Ýniversitetin jýrnalistika mamandyǵy boiynsha bitirgen, «Turan» ýniversiteti Quqyqtaný fakýltetinde «zańtaný» mamandyǵyn alǵan magistr.
E.N. Atambai oǵan deiin 2013-2015 jj. «Qazaqstan» UTA Aqparattyq baǵdarlamalar direktsiiasynyń direktory, Bas redaktory, «Qazaqstan» RTRK Konvergenttik redaktsiia jetekshisi qyzmetterin atqardy.
E.N. Atambaiǵa deiin jańalyqtar qyzmetine basshylyq etken Erkin Tańatqanuly Muhamedjanov aimaqtyq habar taratýdy damytý direktsiiasy efirdi taldaý jáne monitoring jasaý bóliminiń basshysy laýazymyna taǵaiyndaldy.
«Qazaqstan» TRK» AQ Basqarmasynyń tóraǵasy Kemelbek Oishybaev «Qazaqstan» Ulttyq arnasynyń jańalyqtar qyzmetiniń jumysy arta túsetinine senim bildirdi.
Ult portaly
.jpeg)