Jańadan qurylǵan Ulytaý, Abai jáne Jetisý oblystarynda ákimdikter men basqarmalardyń ǵimarattary úshin 12 mlrd teńge qajet. Bul týraly Ulttyq ekonomika ministri Álibek Qýantyrov málimdedi, dep habarlaidy Sputnik Qazaqstan.
"Qazirgi tańda jergilikti atqarýshy organdar oblys ortalyqtarynda ákimshilik ǵimarattardy satyp alýǵa, jóndeýge jáne jalǵa alýǵa biýdjetten qansha aqsha qajet ekenin anyqtady. Boljam boiynsha 12 mlrd teńgege jýyq qarajat kerek", - dedi Qýantyrov Ortalyq kommýnikatsiialar qyzmetinde ótken baspasóz máslihatynda.
Ministr qarjy bólý máselesi Qazaqstannyń biýdjet zańnamasynda aiqyndalǵan tártippen qaralatynyn atap ótti.
Aitýynsha, jaqyn arada Máslihat sessiiasynda oblystardy basqarý shemasyn bekitý máselesi shyǵarylady. Shema bekitilgennen keiin óńirlerde oblys basqarmalary qurylyp, tiisti kadrlyq taǵaiyndaý júrgiziledi.
Úkimet tiisti qaýlyny qabyldap qoiǵan. Onda qosymsha birlikter bólý arqyly jańadan qurylǵan oblystarda ákimdikter shtaty sanynyń limiti belgilengen.
Memlekettik organdar qurylǵannan keiin oblystar arasynda biýdjet pen kommýnaldyq menshikti bólý jumysy bastalady.
Qýantyrov jańa oblys ortalyqtarynda memlekettik organdar men jumysshylardyń qyzmetine qajet ákimshilik ǵimarattar bar ekenin atap ótti.
