2022 jyldyń 1 qańtarynan bastap eń tómengi kúnkóris deńgeii men ailyq eseptik kórsetkish mólsheri artady. Sonyń nátijesinde biýdjetten zeinetaqy men járdemaqy alatyn 5,1 mln adam kirisi ósedi. Al eń tómengi jalaqynyń ulǵaiýy jumys isteitin 1,6 mln adamnyń tabysyn arttyrady, dep habarlaidy "Ult aqparat" Eńbek jáne halyqty áleýmettik qorǵaý ministrliginiń resmi saityna silteme jasap.
Qazaqstanda eń tómengi kúnkóris deńgeii men ailyq eseptik kórsetkish mólsheri infliatsiiaǵa qarai, jyl saiyn kóterilip turady. Úkimettiń negizgi maqsaty – halyqtyń ómir súrý deńgeiin tómendetpeý. Máselen, 2020 jyly eldegi epidemiologiialyq jaǵdaiǵa bailanysty eń tómengi kúnkóris deńgeii men ailyq eseptik kórsetkish mólsheri eki ret kóterilip, jalpy 10 protsentke artqan. Biyl 5 protsentke indeksatsiialandy.
Osylaisha, eń tómengi kúnkóris deńgeii 34 302 teńgeni qurasa, bir ailyq eseptik kórsetkish 2 917 teńge kóleminde bekitildi.
2022 jyldyń 1 qańtarynan bastap osy ólshemder taǵy 5 protsentke indeksatsiialanady. Sonyń nátijesinde eń tómengi kúnkóris deńgeii 36 018 teńge, al ailyq eseptik kórsetkish 3 063 teńge bolady.
Kelesi jyly respýblikalyq biýdjetten áleýmettik mindettemelerdi oryndaýǵa 4 trillion teńge bólinedi.
Sonyń ishinde zeinetaqy men barlyq áleýmettik járdemaqylardyń mólsherin indeksatsiialaýǵa 190,4 milliard teńge qarastyrylǵan. Sonyń nátijesinde 4,2 mln adamnyń tabysyn artady. Olar:
- 2,3 mln-ǵa jýyq zeinetker, olardyń yntymaqty zeinetaqy mólsheri 7 protsentke jáne bazalyq zeinetaqy tólemi 5 protsentke kóbeiedi;
- 1,9 mln adamnyń áleýmettik járdemaqy 5 protsentke kóteriledi;
- ataýly áleýmettik kómek alatyn 900 myńnan astam adamnyń kiris ósedi.
- Budan bólek, memleket basshysynyń kelesi jyldan eń tómen jalaqyny 42,5 myń teńgeden 60 myńǵa deiin kóterýdi tapsyrǵan.
"Al Eńbek kodeksine sáikes, jumys berýshiler eńbekaqyny eń tómen jalaqydan kem emes deńgeide tóleýge mindetti. Bul sharanyń arqasynda ártúrli menshik nysanyndaǵy kásiporyndarda jumys isteitin 1,6 million adamnyń aqshalai tabysy ósedi", - delingen resmi habarlamada.
Birinshi kezekte jalaqysy tómen qyzmetkerlerdiń ailyǵy artady. Odan keiin jumys berýshiler jalaqy deńgeiin belgileý kezinde eń tómen jalaqy kórsetkishine sai qyzmetkerlerdiń basqa da sanattarynyń jalaqysyn qaita qaraityn bolady.
Ministrlik kelesi jyly pedagogtardyń jalaqysyn arttyrý sharalary jalǵasatynyn da erekshe atap ótti.
Osylaisha, 2023 jylǵa qarai muǵalimderdiń tabysy eki esege artady. Meditsinalyq jáne áleýmettik qyzmetkerlerdiń jalaqysy 4 jylda eki esege ósedi.
"2022 jyldan bastap muraǵatshylar, kitaphanashylar, murajaitanýshylar, ormanshylar, tehnikalyq qyzmetkerler jáne taǵy basqa mamandardyń, shamamen 588 myń adamyń ailyǵy da kóterile bastaidy. Qazirgi ýaqytta daiyndyq jumystary júrip jatyr", - dep atap kórsetti ministrlik mamandary.
Jalpy 1,2 millionǵa jýyq azamattyq qyzmetshiniń jalaqysy joǵarylaidy.
