2022 جىلدىڭ 1 قاڭتارىنان باستاپ ەڭ تٶمەنگٸ كٷنكٶرٸس دەڭگەيٸ مەن ايلىق ەسەپتٸك كٶرسەتكٸش مٶلشەرٸ ارتادى. سونىڭ نەتيجەسٸندە بيۋدجەتتەن زەينەتاقى مەن جەردەماقى الاتىن 5,1 ملن ادام كٸرٸسٸ ٶسەدٸ. ال ەڭ تٶمەنگٸ جالاقىنىڭ ۇلعايۋى جۇمىس ٸستەيتٸن 1,6 ملن ادامنىڭ تابىسىن ارتتىرادى, دەپ حابارلايدى "ۇلت اقپارات" ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ رەسمي سايتىنا سٸلتەمە جاساپ.
قازاقستاندا ەڭ تٶمەنگٸ كٷنكٶرٸس دەڭگەيٸ مەن ايلىق ەسەپتٸك كٶرسەتكٸش مٶلشەرٸ ينفلياتسيياعا قاراي, جىل سايىن كٶتەرٸلٸپ تۇرادى. ٷكٸمەتتٸڭ نەگٸزگٸ ماقساتى – حالىقتىڭ ٶمٸر سٷرۋ دەڭگەيٸن تٶمەندەتپەۋ. مەسەلەن, 2020 جىلى ەلدەگٸ ەپيدەميولوگييالىق جاعدايعا بايلانىستى ەڭ تٶمەنگٸ كٷنكٶرٸس دەڭگەيٸ مەن ايلىق ەسەپتٸك كٶرسەتكٸش مٶلشەرٸ ەكٸ رەت كٶتەرٸلٸپ, جالپى 10 پروتسەنتكە ارتقان. بيىل 5 پروتسەنتكە يندەكساتسييالاندى.
وسىلايشا, ەڭ تٶمەنگٸ كٷنكٶرٸس دەڭگەيٸ 34 302 تەڭگەنٸ قۇراسا, بٸر ايلىق ەسەپتٸك كٶرسەتكٸش 2 917 تەڭگە كٶلەمٸندە بەكٸتٸلدٸ.
2022 جىلدىڭ 1 قاڭتارىنان باستاپ وسى ٶلشەمدەر تاعى 5 پروتسەنتكە يندەكساتسييالانادى. سونىڭ نەتيجەسٸندە ەڭ تٶمەنگٸ كٷنكٶرٸس دەڭگەيٸ 36 018 تەڭگە, ال ايلىق ەسەپتٸك كٶرسەتكٸش 3 063 تەڭگە بولادى.
كەلەسٸ جىلى رەسپۋبليكالىق بيۋدجەتتەن ەلەۋمەتتٸك مٸندەتتەمەلەردٸ ورىنداۋعا 4 تريلليون تەڭگە بٶلٸنەدٸ.
سونىڭ ٸشٸندە زەينەتاقى مەن بارلىق ەلەۋمەتتٸك جەردەماقىلاردىڭ مٶلشەرٸن يندەكساتسييالاۋعا 190,4 ميلليارد تەڭگە قاراستىرىلعان. سونىڭ نەتيجەسٸندە 4,2 ملن ادامنىڭ تابىسىن ارتادى. ولار:
- 2,3 ملن-عا جۋىق زەينەتكەر, ولاردىڭ ىنتىماقتى زەينەتاقى مٶلشەرٸ 7 پروتسەنتكە جەنە بازالىق زەينەتاقى تٶلەمٸ 5 پروتسەنتكە كٶبەيەدٸ;
- 1,9 ملن ادامنىڭ ەلەۋمەتتٸك جەردەماقى 5 پروتسەنتكە كٶتەرٸلەدٸ;
- اتاۋلى ەلەۋمەتتٸك كٶمەك الاتىن 900 مىڭنان استام ادامنىڭ كٸرٸس ٶسەدٸ.
- بۇدان بٶلەك, مەملەكەت باسشىسىنىڭ كەلەسٸ جىلدان ەڭ تٶمەن جالاقىنى 42,5 مىڭ تەڭگەدەن 60 مىڭعا دەيٸن كٶتەرۋدٸ تاپسىرعان.
"ال ەڭبەك كودەكسٸنە سەيكەس, جۇمىس بەرۋشٸلەر ەڭبەكاقىنى ەڭ تٶمەن جالاقىدان كەم ەمەس دەڭگەيدە تٶلەۋگە مٸندەتتٸ. بۇل شارانىڭ ارقاسىندا ەرتٷرلٸ مەنشٸك نىسانىنداعى كەسٸپورىنداردا جۇمىس ٸستەيتٸن 1,6 ميلليون ادامنىڭ اقشالاي تابىسى ٶسەدٸ", - دەلٸنگەن رەسمي حابارلامادا.
بٸرٸنشٸ كەزەكتە جالاقىسى تٶمەن قىزمەتكەرلەردٸڭ ايلىعى ارتادى. ودان كەيٸن جۇمىس بەرۋشٸلەر جالاقى دەڭگەيٸن بەلگٸلەۋ كەزٸندە ەڭ تٶمەن جالاقى كٶرسەتكٸشٸنە ساي قىزمەتكەرلەردٸڭ باسقا دا ساناتتارىنىڭ جالاقىسىن قايتا قارايتىن بولادى.
مينيسترلٸك كەلەسٸ جىلى پەداگوگتاردىڭ جالاقىسىن ارتتىرۋ شارالارى جالعاساتىنىن دا ەرەكشە اتاپ ٶتتٸ.
وسىلايشا, 2023 جىلعا قاراي مۇعالٸمدەردٸڭ تابىسى ەكٸ ەسەگە ارتادى. مەديتسينالىق جەنە ەلەۋمەتتٸك قىزمەتكەرلەردٸڭ جالاقىسى 4 جىلدا ەكٸ ەسەگە ٶسەدٸ.
"2022 جىلدان باستاپ مۇراعاتشىلار, كٸتاپحاناشىلار, مۇراجايتانۋشىلار, ورمانشىلار, تەحنيكالىق قىزمەتكەرلەر جەنە تاعى باسقا مامانداردىڭ, شامامەن 588 مىڭ ادامىڭ ايلىعى دا كٶتەرٸلە باستايدى. قازٸرگٸ ۋاقىتتا دايىندىق جۇمىستارى جٷرٸپ جاتىر", - دەپ اتاپ كٶرسەتتٸ مينيسترلٸك ماماندارى.
جالپى 1,2 ميلليونعا جۋىق ازاماتتىق قىزمەتشٸنٸڭ جالاقىسى جوعارىلايدى.
