Almatynyń bas sanitarlyq dárigeri Jandarbek Bekshin onlain brifing barysynda Jańa jyl meiramynda úige qansha qonaq shaqyrýǵa bolatynyn aitty, dep habarlaidy "Ult aqparat".
Onyń aitýynsha, adam sany 10-nan assa, ol adamdardyń jappai jinalǵanyn bildiredi.
«Jańa jyl – otbasylyq mereke. Onda bir otbasy bolyp turatyndardyń bári jinala alady: ata-ájesi, ata-anasy men balalary. Otbasy músheleri 15 adam bolsa da bolady. Iaǵni, Jańa jyldy birge toilai alady», - dedi ol.
Sonymen qatar, ol koronavirýs boiynsha jaǵdaidyń ýshyǵyp jatqanyn eskere otyryp, karantin talaptaryn muqiiat saqtaýǵa shaqyrdy.
«Jasyratyny joq, jaǵdai kúrdeli. Búginde biz «sary» aimaqta turmyz. Barlyq saqtyq sharasyn qoǵamdyq jerlerde ǵana emes, otbasyńyzda da saqtaý kerek. Bizdiń barlyq talabymyz saqtalǵan jaǵdaida ǵana infektsiiaǵa qarsy tura alamyz», - dedi Jandarbek Bekshin.
