الماتىنىڭ باس سانيتارلىق دەرٸگەرٸ جانداربەك بەكشين ونلاين بريفينگ بارىسىندا جاڭا جىل مەيرامىندا ٷيگە قانشا قوناق شاقىرۋعا بولاتىنىن ايتتى, دەپ حابارلايدى "ۇلت اقپارات".
ونىڭ ايتۋىنشا, ادام سانى 10-نان اسسا, ول ادامداردىڭ جاپپاي جينالعانىن بٸلدٸرەدٸ.
«جاڭا جىل – وتباسىلىق مەرەكە. وندا بٸر وتباسى بولىپ تۇراتىنداردىڭ بەرٸ جينالا الادى: اتا-ەجەسٸ, اتا-اناسى مەن بالالارى. وتباسى مٷشەلەرٸ 15 ادام بولسا دا بولادى. ياعني, جاڭا جىلدى بٸرگە تويلاي الادى», - دەدٸ ول.
سونىمەن قاتار, ول كوروناۆيرۋس بويىنشا جاعدايدىڭ ۋشىعىپ جاتقانىن ەسكەرە وتىرىپ, كارانتين تالاپتارىن مۇقييات ساقتاۋعا شاقىردى.
«جاسىراتىنى جوق, جاعداي كٷردەلٸ. بٷگٸندە بٸز «سارى» ايماقتا تۇرمىز. بارلىق ساقتىق شاراسىن قوعامدىق جەرلەردە عانا ەمەس, وتباسىڭىزدا دا ساقتاۋ كەرەك. بٸزدٸڭ بارلىق تالابىمىز ساقتالعان جاعدايدا عانا ينفەكتسيياعا قارسى تۇرا الامىز», - دەدٸ جانداربەك بەكشين.
