Májilis Tóraǵasy Nurlan Nyǵmatýllin búgin palatanyń jalpy otyrysynda birinshi oqylymda maquldanǵan birjalyq saýdany damytý jáne jetildirý máseleleri boiynsha usynylǵan túzetýler týraly aitty, dep habarlaidy QazAqparat.
Zań jobasy taýar birjalary qyzmetiniń talaptaryn jáne ashyqtyǵyn arttyrýǵa, birjalyq saýdany damytý úshin básekeles orta men jaǵdailar jasaýǵa, sondai-aq birjalyq saýda kólemin ulǵaitýǵa baǵyttalǵan.
Qujatty talqylaý barysynda depýtattar birqatar zańnamalyq normalarǵa atap aitqanda, saýda jáne integratsiia ministrliginiń Saýda-sattyqqa qatysýshylardan birjalyq alymnyń eń tómengi mólsherin shekteý quqyǵyn kózdeitin ózgerister men tolyqtyrýlar engiziledi. Depýtattardyń pikirinshe, bul norma birjalardyń kásipker – klientterine teris áser etýi múmkin.
Osyǵan sai, otyrysta Nurlan Nyǵmatýlin depýtattardyń usynysyn qoldady, eger zań jobasy Úkimet redaktsiiasynda qabyldansa baǵa suranys pen usynyspen retteletin kezde básekelestiktiń negizgi qaǵidasy buzylatynyn atap ótti.
Palata Spikeri atap ótkendei, birjalyq alym mólsherine qatysty demping túrindegi birjalardyń jaýapkerkershilikten tys áreketterine keletin bolsaq, onda bul jerde zań jobasynda kórsetilgen basqa da tásilder jetkilikti.
Sonymen qatar, otyrysta Nurlan Nyǵmatýlin depýtattarǵa «kómirtegi birlikteri»» satý úshin arnaiy birjalardyń jeke túrin bólý týraly usynys aityp, aǵymdaǵy jyldyń basynda Ekologiialyq Kodeks qabyldanyp, onda kómirtegi birlikterin satý múmkindigi qarastyrylǵanyn aitty.
Búginde barlyq elder shamadan tys shyǵaryndylarmen belsendi kúres júrgize bastady. Nurlan Nyǵmatýlinniń aitýynsha, osyǵan bailanysty bizde de ónerkásip kásiporyndaryna «tegin» kvotalar kezeń-kezeńimen qysqaratyn bolady. Kvotadan tys barlyq shyǵaryndylar úshin kásiporyndar tólemek. Iaǵni, olar jańa tómen kómirtekti tehnologiialar úshin aqy tóleýdi nemese qosymsha kvotalar satyp alýdy tańdaýy kerek.
Osy rette, Májilis Tóraǵasy damyǵan elderde mamandandyrylǵan birjalar shyǵaryndylarǵa kvotalar satatynyn, sondyqtan «kómirtegi birlikteri» saýdasy boiynsha mamandandyrylǵan birjalar quryp, álemdik tájiribeni ustaný kerektigine nazar aýdardy.
Nurlan Nyǵmatýlinniń pikirinshe, mundai tásil bolashaqta bizdiń birjalyq qatysýshylarǵa halyqaralyq naryqqa shyǵýǵa múmkindik beredi.
Osyǵan sáikes, Palata Tóraǵasy atalǵan zań jobasy boiynsha jumys tobyna jaýapty ministrlikpen birge ekinshi oqylymǵa deiin ózgertýler engizip, qajet bolǵan jaǵdaida normalardy ekologiialyq kodekspen sáikestendirýdi usyndy.
