مەجٸلٸس تٶراعاسى نۇرلان نىعماتۋللين بٷگٸن پالاتانىڭ جالپى وتىرىسىندا بٸرٸنشٸ وقىلىمدا ماقۇلدانعان بيرجالىق ساۋدانى دامىتۋ جەنە جەتٸلدٸرۋ مەسەلەلەرٸ بويىنشا ۇسىنىلعان تٷزەتۋلەر تۋرالى ايتتى, دەپ حابارلايدى قازاقپارات.
زاڭ جوباسى تاۋار بيرجالارى قىزمەتٸنٸڭ تالاپتارىن جەنە اشىقتىعىن ارتتىرۋعا, بيرجالىق ساۋدانى دامىتۋ ٷشٸن بەسەكەلەس ورتا مەن جاعدايلار جاساۋعا, سونداي-اق بيرجالىق ساۋدا كٶلەمٸن ۇلعايتۋعا باعىتتالعان.
قۇجاتتى تالقىلاۋ بارىسىندا دەپۋتاتتار بٸرقاتار زاڭنامالىق نورمالارعا اتاپ ايتقاندا, ساۋدا جەنە ينتەگراتسييا مينيسترلٸگٸنٸڭ ساۋدا-ساتتىققا قاتىسۋشىلاردان بيرجالىق الىمنىڭ ەڭ تٶمەنگٸ مٶلشەرٸن شەكتەۋ قۇقىعىن كٶزدەيتٸن ٶزگەرٸستەر مەن تولىقتىرۋلار ەنگٸزٸلەدٸ. دەپۋتاتتاردىڭ پٸكٸرٸنشە, بۇل نورما بيرجالاردىڭ كەسٸپكەر – كليەنتتەرٸنە تەرٸس ەسەر ەتۋٸ مٷمكٸن.
وسىعان ساي, وتىرىستا نۇرلان نىعماتۋلين دەپۋتاتتاردىڭ ۇسىنىسىن قولدادى, ەگەر زاڭ جوباسى ٷكٸمەت رەداكتسيياسىندا قابىلدانسا باعا سۇرانىس پەن ۇسىنىسپەن رەتتەلەتٸن كەزدە بەسەكەلەستٸكتٸڭ نەگٸزگٸ قاعيداسى بۇزىلاتىنىن اتاپ ٶتتٸ.
پالاتا سپيكەرٸ اتاپ ٶتكەندەي, بيرجالىق الىم مٶلشەرٸنە قاتىستى دەمپينگ تٷرٸندەگٸ بيرجالاردىڭ جاۋاپكەركەرشٸلٸكتەن تىس ەرەكەتتەرٸنە كەلەتٸن بولساق, وندا بۇل جەردە زاڭ جوباسىندا كٶرسەتٸلگەن باسقا دا تەسٸلدەر جەتكٸلٸكتٸ.
سونىمەن قاتار, وتىرىستا نۇرلان نىعماتۋلين دەپۋتاتتارعا «كٶمٸرتەگٸ بٸرلٸكتەرٸ»» ساتۋ ٷشٸن ارنايى بيرجالاردىڭ جەكە تٷرٸن بٶلۋ تۋرالى ۇسىنىس ايتىپ, اعىمداعى جىلدىڭ باسىندا ەكولوگييالىق كودەكس قابىلدانىپ, وندا كٶمٸرتەگٸ بٸرلٸكتەرٸن ساتۋ مٷمكٸندٸگٸ قاراستىرىلعانىن ايتتى.
بٷگٸندە بارلىق ەلدەر شامادان تىس شىعارىندىلارمەن بەلسەندٸ كٷرەس جٷرگٸزە باستادى. نۇرلان نىعماتۋليننٸڭ ايتۋىنشا, وسىعان بايلانىستى بٸزدە دە ٶنەركەسٸپ كەسٸپورىندارىنا «تەگٸن» كۆوتالار كەزەڭ-كەزەڭٸمەن قىسقاراتىن بولادى. كۆوتادان تىس بارلىق شىعارىندىلار ٷشٸن كەسٸپورىندار تٶلەمەك. ياعني, ولار جاڭا تٶمەن كٶمٸرتەكتٸ تەحنولوگييالار ٷشٸن اقى تٶلەۋدٸ نەمەسە قوسىمشا كۆوتالار ساتىپ الۋدى تاڭداۋى كەرەك.
وسى رەتتە, مەجٸلٸس تٶراعاسى دامىعان ەلدەردە مامانداندىرىلعان بيرجالار شىعارىندىلارعا كۆوتالار ساتاتىنىن, سوندىقتان «كٶمٸرتەگٸ بٸرلٸكتەرٸ» ساۋداسى بويىنشا مامانداندىرىلعان بيرجالار قۇرىپ, ەلەمدٸك تەجٸريبەنٸ ۇستانۋ كەرەكتٸگٸنە نازار اۋداردى.
نۇرلان نىعماتۋليننٸڭ پٸكٸرٸنشە, مۇنداي تەسٸل بولاشاقتا بٸزدٸڭ بيرجالىق قاتىسۋشىلارعا حالىقارالىق نارىققا شىعۋعا مٷمكٸندٸك بەرەدٸ.
وسىعان سەيكەس, پالاتا تٶراعاسى اتالعان زاڭ جوباسى بويىنشا جۇمىس توبىنا جاۋاپتى مينيسترلٸكپەن بٸرگە ەكٸنشٸ وقىلىمعا دەيٸن ٶزگەرتۋلەر ەنگٸزٸپ, قاجەت بولعان جاعدايدا نورمالاردى ەكولوگييالىق كودەكسپەن سەيكەستەندٸرۋدٸ ۇسىندى.
