Foto: egemen.kz
Sonymen búgin Májilis depýtattary Úkimet basshysy kandidatýrasyn talqylaǵannan keiin «Qazaqstan Respýblikasynyń Prezidentine Qazaqstan Respýblikasy Premer-Ministri laýazymyna Bektenov Oljas Abaiulyn taǵaiyndaýǵa kelisim berilsin» degen qaýly jobasyna daýys berdi. Artynsha Memleket basshysynyń Oljas Abaiuly Bektenovty Qazaqstan Respýblikasynyń Premer-Ministri etip taǵaiyndaý jónindegi jarlyǵy shyqty, – dep habarlaidy «Ult aqparat».
Osy oraida Májilistiń jalpy otyrysynda Memleket basshysy Qasym-Jomart Toqaev elimiz óte mańyzdy, tipti sheshýshi kezeńge jaqyndap qalǵanyn sóz etti.
«Eń aldymen barshańyzǵa rizashylyǵymdy, raqmetimdi aitqym keledi. Sizder joǵary saiasi jáne azamattyq jaýapkershilikti kórsettińizder. Rasynda elimiz óte mańyzdy, tipti sheshýshi kezeńge jaqyndap qaldy. Máselen, «taiaý keleshekte Qazaqstan qandai memleket bolady, onyń aimaqtyq jáne álemdik qoǵamdastyqta atqaratyn róli qandai bolmaq?» degen asa mańyzdy suraqtar tur. Qazirgi básekege toly, túrli janjalǵa ushyraǵan turaqsyz, bulyńǵyr álemde Qazaqstan kúshti, bolashaǵyna senimmen qaraityn el bolýy kerek. Onyń bárin qamtamasyz etý – bárimizdiń ortaq mindetimiz, paryzymyz dep aitýǵa bolady. Bul másele boiynsha Úkimettiń atqaratyn róli erekshe», – dep atap ótti Qasym-Jomart Toqaev.
Osy oraida Prezident jańa taǵaiyndalǵan Premer-Ministr Oljas Abaiuly Bektenovti jańa laýazymymen quttyqtap, jumysyna tabys tiledi.
Al qyzmetine jańadan kirisken sý jańa Premer-Ministr Oljas Bektenov halyqtyń ál-aýqatyn arttyrý maqsatynda Úkimet batyl ári tiimdi qadamdar jasaitynyn atap ótti.
«Ózderińiz biletindei, Memleket basshysy elimizdiń ekonomikasy men áleýmettik salasyn damytýda birqatar aýqymdy tapsyrma berdi. Atalǵan tapsyrmalardyń barlyǵy múltiksiz oryndalady. Buryn-sońdy bolmaǵan syn-qaterler dáýirinde zor ekonomikalyq serpilis jasaýymyz kerek. Halyqtyń ál-aýqatyn arttyrý maqsatynda Úkimet batyl ári tiimdi qadamdar jasaidy», – dedi O.Bektenov Májilistiń jalpy otyrysynda.
Onyń aitýynsha, óńdeý salasyn jedel damytýǵa basa mán beriledi. Atap aitqanda, munai-gaz jáne kómir himiiasy, metaldy tereń óńdeý, mashina jasaý, avtobólshekter shyǵarý, iaǵni joǵary deńgeide óńdelgen ónim shyǵaratyn salalardy barynsha damytpaq. Otandyq óndiristi yntalandyrýǵa baǵyttalǵan naqty sharalar qabyldanady. Retteletin satyp alý aiasynda Qazaqstanda jasalǵan taýarlardyń úlesin arttyryp, ondyqtyq óndirýshilerdi qoldaý maqsatynda ofteik júiesin tolyq iske qosatyn bolady.
«Aýyl sharýashylyǵy salasynyń zor áleýetin durys paidalaný mańyzdy. Et, sút, astyq ónimderin tereń óńdeýge nazar aýdaramyz. Elektr qýaty, jylý ári sýmen qamtamasyz etý baǵytynda belsendi jumys atqaramyz. Tiimsiz shyǵyndardy qysqartyp, únimdelgen qarajat infraqurylymdy jańartýǵa baǵyttalady. Kólik-logistika salasyn damytyp, elimizdiń tranzittik áleýetin arttyrý – Úkimet jumysyndaǵy basymdyqtardyń biri bolatyny sózsiz. Tsifrlandyrý, jasandy intellektiń qoldaný salasyn keńeitý, esepteý qýattaryn ulǵaitý – asa mańyzdy mindetter. Memleket basshysy belgilegen zań men tártip qaǵidatyn júzege asyrýǵa baǵyttalǵan sharalar qabyldaimyz. Basqa da halyqtyń kókeiinde turǵan ózekti máseleler únemi Úkimettiń nazarynda bolady. Úkimet halqymyzdyń igiligine, elimizdiń órkendeýine qyzmet etedi», – dedi Úkimet basshysy.
Al Senat tóraǵasy Máýlen Áshimbaev elimiz Úkimetiniń aldynda turǵan maqsattar týraly oiymen bólisti.
«Qazirgi tańda el ekonomikasynyń aldynda aiqyn maqsattar tur. Bul baǵyttaǵy bastamalardy júzege asyrý úshin batyl sheshimder men naqty ister qajet ekeni de aityldy», – degen senator.
Ol osy rette Parlament Senaty Memleket basshysynyń tapsyrmalaryn sapaly ári ýaqtyly oryndaý úshin Úkimetpen árdaiym qoian-qoltyq jumys isteýge daiyn ekenin atap ótti.
