فوتو: egemen.kz
سونىمەن بٷگٸن مەجٸلٸس دەپۋتاتتارى ٷكٸمەت باسشىسى كانديداتۋراسىن تالقىلاعاننان كەيٸن «قازاقستان رەسپۋبليكاسىنىڭ پرەزيدەنتٸنە قازاقستان رەسپۋبليكاسى پرەمەر-مينيسترٸ لاۋازىمىنا بەكتەنوۆ ولجاس ابايۇلىن تاعايىنداۋعا كەلٸسٸم بەرٸلسٸن» دەگەن قاۋلى جوباسىنا داۋىس بەردٸ. ارتىنشا مەملەكەت باسشىسىنىڭ ولجاس ابايۇلى بەكتەنوۆتى قازاقستان رەسپۋبليكاسىنىڭ پرەمەر-مينيسترٸ ەتٸپ تاعايىنداۋ جٶنٸندەگٸ جارلىعى شىقتى, – دەپ حابارلايدى «ۇلت اقپارات».
وسى ورايدا مەجٸلٸستٸڭ جالپى وتىرىسىندا مەملەكەت باسشىسى قاسىم-جومارت توقاەۆ ەلٸمٸز ٶتە ماڭىزدى, تٸپتٸ شەشۋشٸ كەزەڭگە جاقىنداپ قالعانىن سٶز ەتتٸ.
«ەڭ الدىمەن بارشاڭىزعا ريزاشىلىعىمدى, راقمەتٸمدٸ ايتقىم كەلەدٸ. سٸزدەر جوعارى ساياسي جەنە ازاماتتىق جاۋاپكەرشٸلٸكتٸ كٶرسەتتٸڭٸزدەر. راسىندا ەلٸمٸز ٶتە ماڭىزدى, تٸپتٸ شەشۋشٸ كەزەڭگە جاقىنداپ قالدى. مەسەلەن, «تاياۋ كەلەشەكتە قازاقستان قانداي مەملەكەت بولادى, ونىڭ ايماقتىق جەنە ەلەمدٸك قوعامداستىقتا اتقاراتىن رٶلٸ قانداي بولماق?» دەگەن اسا ماڭىزدى سۇراقتار تۇر. قازٸرگٸ بەسەكەگە تولى, تٷرلٸ جانجالعا ۇشىراعان تۇراقسىز, بۇلىڭعىر ەلەمدە قازاقستان كٷشتٸ, بولاشاعىنا سەنٸممەن قارايتىن ەل بولۋى كەرەك. ونىڭ بەرٸن قامتاماسىز ەتۋ – بەرٸمٸزدٸڭ ورتاق مٸندەتٸمٸز, پارىزىمىز دەپ ايتۋعا بولادى. بۇل مەسەلە بويىنشا ٷكٸمەتتٸڭ اتقاراتىن رٶلٸ ەرەكشە», – دەپ اتاپ ٶتتٸ قاسىم-جومارت توقاەۆ.
وسى ورايدا پرەزيدەنت جاڭا تاعايىندالعان پرەمەر-مينيستر ولجاس ابايۇلى بەكتەنوۆتٸ جاڭا لاۋازىمىمەن قۇتتىقتاپ, جۇمىسىنا تابىس تٸلەدٸ.
ال قىزمەتٸنە جاڭادان كٸرٸسكەن سۋ جاڭا پرەمەر-مينيستر ولجاس بەكتەنوۆ حالىقتىڭ ەل-اۋقاتىن ارتتىرۋ ماقساتىندا ٷكٸمەت باتىل ەرٸ تيٸمدٸ قادامدار جاسايتىنىن اتاپ ٶتتٸ.
«ٶزدەرٸڭٸز بٸلەتٸندەي, مەملەكەت باسشىسى ەلٸمٸزدٸڭ ەكونوميكاسى مەن ەلەۋمەتتٸك سالاسىن دامىتۋدا بٸرقاتار اۋقىمدى تاپسىرما بەردٸ. اتالعان تاپسىرمالاردىڭ بارلىعى مٷلتٸكسٸز ورىندالادى. بۇرىن-سوڭدى بولماعان سىن-قاتەرلەر دەۋٸرٸندە زور ەكونوميكالىق سەرپٸلٸس جاساۋىمىز كەرەك. حالىقتىڭ ەل-اۋقاتىن ارتتىرۋ ماقساتىندا ٷكٸمەت باتىل ەرٸ تيٸمدٸ قادامدار جاسايدى», – دەدٸ و.بەكتەنوۆ مەجٸلٸستٸڭ جالپى وتىرىسىندا.
ونىڭ ايتۋىنشا, ٶڭدەۋ سالاسىن جەدەل دامىتۋعا باسا مەن بەرٸلەدٸ. اتاپ ايتقاندا, مۇناي-گاز جەنە كٶمٸر حيميياسى, مەتالدى تەرەڭ ٶڭدەۋ, ماششينا جاساۋ, اۆتوبٶلشەكتەر شىعارۋ, ياعني جوعارى دەڭگەيدە ٶڭدەلگەن ٶنٸم شىعاراتىن سالالاردى بارىنشا دامىتپاق. وتاندىق ٶندٸرٸستٸ ىنتالاندىرۋعا باعىتتالعان ناقتى شارالار قابىلدانادى. رەتتەلەتٸن ساتىپ الۋ اياسىندا قازاقستاندا جاسالعان تاۋارلاردىڭ ٷلەسٸن ارتتىرىپ, وندىقتىق ٶندٸرۋشٸلەردٸ قولداۋ ماقساتىندا وفتەيك جٷيەسٸن تولىق ٸسكە قوساتىن بولادى.
«اۋىل شارۋاشىلىعى سالاسىنىڭ زور ەلەۋەتٸن دۇرىس پايدالانۋ ماڭىزدى. ەت, سٷت, استىق ٶنٸمدەرٸن تەرەڭ ٶڭدەۋگە نازار اۋدارامىز. ەلەكتر قۋاتى, جىلۋ ەرٸ سۋمەن قامتاماسىز ەتۋ باعىتىندا بەلسەندٸ جۇمىس اتقارامىز. تيٸمسٸز شىعىنداردى قىسقارتىپ, ٷنٸمدەلگەن قاراجات ينفراقۇرىلىمدى جاڭارتۋعا باعىتتالادى. كٶلٸك-لوگيستيكا سالاسىن دامىتىپ, ەلٸمٸزدٸڭ ترانزيتتٸك ەلەۋەتٸن ارتتىرۋ – ٷكٸمەت جۇمىسىنداعى باسىمدىقتاردىڭ بٸرٸ بولاتىنى سٶزسٸز. تسيفرلاندىرۋ, جاساندى ينتەللەكتٸڭ قولدانۋ سالاسىن كەڭەيتۋ, ەسەپتەۋ قۋاتتارىن ۇلعايتۋ – اسا ماڭىزدى مٸندەتتەر. مەملەكەت باسشىسى بەلگٸلەگەن زاڭ مەن تەرتٸپ قاعيداتىن جٷزەگە اسىرۋعا باعىتتالعان شارالار قابىلدايمىز. باسقا دا حالىقتىڭ كٶكەيٸندە تۇرعان ٶزەكتٸ مەسەلەلەر ٷنەمٸ ٷكٸمەتتٸڭ نازارىندا بولادى. ٷكٸمەت حالقىمىزدىڭ يگٸلٸگٸنە, ەلٸمٸزدٸڭ ٶركەندەۋٸنە قىزمەت ەتەدٸ», – دەدٸ ٷكٸمەت باسشىسى.
ال سەنات تٶراعاسى مەۋلەن ەشٸمباەۆ ەلٸمٸز ٷكٸمەتٸنٸڭ الدىندا تۇرعان ماقساتتار تۋرالى ويىمەن بٶلٸستٸ.
«قازٸرگٸ تاڭدا ەل ەكونوميكاسىنىڭ الدىندا ايقىن ماقساتتار تۇر. بۇل باعىتتاعى باستامالاردى جٷزەگە اسىرۋ ٷشٸن باتىل شەشٸمدەر مەن ناقتى ٸستەر قاجەت ەكەنٸ دە ايتىلدى», – دەگەن سەناتور.
ول وسى رەتتە پارلامەنت سەناتى مەملەكەت باسشىسىنىڭ تاپسىرمالارىن ساپالى ەرٸ ۋاقتىلى ورىنداۋ ٷشٸن ٷكٸمەتپەن ەردايىم قويان-قولتىق جۇمىس ٸستەۋگە دايىن ەكەنٸن اتاپ ٶتتٸ.
