Memleket basshysy Nursultan Nazarbaevtyń tikelei qoldaýymen júzege asyp jatqan «Tsifrly Qazaqstan» baǵdarlamasynyń oryndalýyna elimizdegi ekinshi deńgeili bankter de úles qosýda. Aitalyq, kúni keshe Astana qalasynda ekinshi ForteDay ótti. Tusaýkeserde qazaqstandyqtarǵa – tek ForteBank klientterine ǵana emes, sonymen qatar banktik qyzmetterdiń barlyq paidalanýshylaryna ómir súrýdi jeńildetetin jańa qyzmetter men banktiń jańartylǵan servisteri usynyldy. ForteDay jylyna eki ret ótedi, osy jolǵy qysqy is-sharada bank ókilderi iske qosylǵan innovatsiialyq qyzmetter týraly aitty.
ForteBank óziniń mobildik qosymshasyna augmented reality (AR) tehnologiiasyn engizdi. Ar kómegimen klientter jaqyn jerdegi bankomatty, bólimsheni taba alady, bank seriktesterinen qyzyqty usynystardy kóre alady, óz tabystary men shyǵyndaryn ártúrli deńgeide teksere alady.
"ForteBank klientteri úshin úzdik innovatsiialyq qyzmetter jasaýǵa umtylady. Biz kez kelgen banktiń klientteri paidalana alatyn qosymshany ázirledik jáne qosymsha naqtylyq tehnologiiasyn óz qosymshasyna engizgen birinshi bank boldyq. Osy jyly bizdiń klientterimiz eki ese kóp tólem jasap, uialy qosymshadaǵy aýdarymdardan úsh ese kóp aqsha jinady, al telefonǵa júktelgen qosymshalar sany 1 000 000-nan asty", deidi ForteBank basqarmasynyń tóraǵasy Gýram Andronikashvili.
Banktiń mobildi qosymshasyna Talk in atty virtýaldy kómekshi qosyldy, ol bank ónimderine qatysty suraqtarǵa jaýap beredi. Sondai-aq, paidalanýshylar Qazaqstanda nemese shetelde bolǵanyna qaramastan, internet trafigi bolmaǵan jaǵdaida da jaqyn týystarymen jáne dostarymen qoldanba chatynda sóilese alady.
Onlain nesieleý qyzmeti ForteBank klientterine qoljetimdi. Eger buryn klient qajetti nysandarǵa qol qoisa, onda ol 5 minýt ishinde maquldanǵan somany bilip, bank bólimshesine barmai-aq sol kúni nesie ala alady. Nesie úige de jetkiziledi. Sondai-aq, Freemarket onlain dúkeninde teledidar, smartfondar, kiim jáne úige arnalǵan taýarlar satyp alýǵa bolatyn alań bar.
Jańa internet-banking endi kásipkerler men biznes ieleri úshin qoljetimdi. Bul qosymsha klientterdiń tilekterin eskere otyryp jasalǵan. Forcestart – bank kartasyn, jedel qysqa merzimdi nesielerdi, internet-banking jáne POS-terminaldy qamtityn arnaiy tarifi bar bastaýshy kásipkerlerge arnalǵan pakettik usynys.
"Biz aldymyzǵa qoiǵan úlken mindet – biz Qazaqstandaǵy biznestiń damýyna kómekteskimiz keledi. Búginde bizge 75 000-nan astam kompaniia senedi, tek osy jyly klientter sany 30 paiyzǵa artty. ForteBank kásipkerler úshin jeke keńseler salatyn Qazaqstandaǵy jalǵyz bank bolyp tabylady", dep atap ótti Gýram Andronikashvili.
Sonymen qatar ForteBank biznes úshin jańa ónimdi iske qosady, ol – ForteKassa. Bul sheshim saýda núktesin avtomattandyrady jáne satýǵa, bazalyq esepke alýǵa jáne qyzmetkerlerdi basqarýǵa múmkindik beredi. Tehnologiialyq sheshim eki bólikten turady: satýshylarǵa arnalǵan qosymsha jáne biznes iesine arnalǵan jeke kabinet.
