2019 j. 9 maýsymda ótkizilgen QR Prezidentin sailaýda Qasym-Jomart Kemeluly Toqaev osy eldiń Prezidenti bolyp sailandy. Bul sailaý Prezident N.Nazarbaevtyń sailaý ókilettiliginiń merzimi aiaqtalýdan buryn bolǵanymen erekshelendi. Osylaisha qazirgi Prezident Q-J.Toqaev 2020 j. sáýirge deiin QR Prezidenti qyzmetin atqaratyn boldy.
Qazaqstannyń alǵashqy Prezidenti N.Nazarbaev basqaratyn «Nýr-Otan» iri saiasi partiiadan qazirgi basshy Q-J.Toqaev sailanǵan. Osy Joldaýda Birinshi Prezidenttiń saiasatyn jalǵastyryp, jaqyn ýaqytta memlekettiń ishki jáne syrtqy saiasaty, qoǵam men ekonomikanyń ósýinde eleýli ózgerister men reformalar engizetin turaqty saiasat ustanatyn oiy kórindi.
Osy eldiń alǵashqy Prezidenti N.Nazarbaevtyń basty saiasaty retinde 2030 j. deiin damý strategiiasyn jasap, álemdegi básekege barynsha qabiletti 50 memlekettiń qataryna enýdi maqsat etkenin bárimiz bilemiz. Osy aiada halyqtyń beibit, dostastyǵyn nyǵaitý, jahandyq jáne óńirlik deńgeilerdegi mártebesi men abyroiyn arttyrý, ekonomikalyq áleýetti kúsheitý, buqara halyqty baqytty da jyrǵaýly, tynyshtyqta ómir súrgizý úshin jumystar júrgizilip keldi.
Memleketti 30 jyl basqarǵan Prezidenttiń ishki, syrtqy saiasatynyń nátijesinde Qazaqstan saiasi jáne qoǵamdyq-ekonomikalyq daǵdarystardan aman-saý, jan-jaqty damýdyń jáne aýyspaly ýaqyttyń qiynshylyqtaryn basyp ótip, búgingi gúldený men damýǵa qol jetkizdi dep aitýǵa bolady.
Halyqaralyq qatynastar, memlekettaný, syrtqy saiasat salalaryn zertteýshi retinde bizdiń qazirgi Prezident Q-J.Toqaevtyń syrtqy saiasaty, óńirlik yntymaqtastyq, kórshiles elderge ustanatyn ustanymy qalai bolatyndyǵy jáne qalai iske asyrylatynyna jiti nazar qoiyp otyrmyz.
Jańa Prezidenttiń biyl óz halqyna arnaǵan Joldaýyna qaraǵanda, memlekettiń ishki saiasi jáne áleýmettik-ekonomikalyq máselelerdi sheship, eldiń turmys deńgeiin kóterýge baǵyttalǵannyń syrtynda, buryn memleket tarapynan azamattardy áleýmettik qoldaý qyzmeti, joǵary oqý oryndaryndaǵy stipendiialar mólsherin kóbeitý, sondai-aq kedeiliktiń deńgeiin tómendetý, kóp balaly analarǵa járdemaqyny molaitý, jumys oryndaryn qurý, halyqtyń beibit ómir súrý ortasyn jasaý sekildi máselelerge erekshe nazar aýdarǵanyn baiqaýǵa bolady.
Mońǵoliianyń Ǵylymdar akademiiasy,
Halyqaralyq qatynastar institýtynyń direktory, doktor D.Zolboo.
.jpeg)