2021-2022 jańa oqý jylynyń dástúrli formatta bastalýy halyqtyń vaktsina alýyna bailanysty. Bul týraly halyqqa esep berý kezdesýinde QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Bul - óte ózekti saýal. Munyń barlyǵy sanitarlyq-epidemiologiialyq jaǵdaiǵa, bizdiń júris-turysymyzǵa bailanysty. Eger halyqtyń basym bóligin vaktsinatsiialai alsaq, barlyq sanitarlyq-epidemiologiialyq talaptar men shekteýlerdi saqtasaq, onda kelesi oqý jylynda, qyrkúiekte bilim berý uiymdarymyz, eń aldymen árine mektepter ashylady», - dedi Ashat Aimaǵambetov.
Sonymen qatar ol balalar da, muǵalimder de bilim berýdiń dástúrli formatyna tezirek oralýdy qalaityndyǵyn basa aitty.
«Biraq, barlyǵy ózimizge, búkil qoǵamǵa bailanysty bolady. Vaktsinatsiia qarqynyna, búginde memleket qabyldap jatqan epidemiiaǵa qarsy is-sharalarǵa orai kelesi oqý jylynda mektepterdi ashyp, dástúrli formatqa oralamyz dep úmittenemin. Taǵy da aitamyn, barlyǵy ózimizge bailanysty», - dedi ministr.
