2021-2022 جاڭا وقۋ جىلىنىڭ دەستٷرلٸ فورماتتا باستالۋى حالىقتىڭ ۆاكتسينا الۋىنا بايلانىستى. بۇل تۋرالى حالىققا ەسەپ بەرۋ كەزدەسۋٸندە قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«بۇل - ٶتە ٶزەكتٸ ساۋال. مۇنىڭ بارلىعى سانيتارلىق-ەپيدەميولوگييالىق جاعدايعا, بٸزدٸڭ جٷرٸس-تۇرىسىمىزعا بايلانىستى. ەگەر حالىقتىڭ باسىم بٶلٸگٸن ۆاكتسيناتسييالاي الساق, بارلىق سانيتارلىق-ەپيدەميولوگييالىق تالاپتار مەن شەكتەۋلەردٸ ساقتاساق, وندا كەلەسٸ وقۋ جىلىندا, قىركٷيەكتە بٸلٸم بەرۋ ۇيىمدارىمىز, ەڭ الدىمەن ەرينە مەكتەپتەر اشىلادى», - دەدٸ اسحات ايماعامبەتوۆ.
سونىمەن قاتار ول بالالار دا, مۇعالٸمدەر دە بٸلٸم بەرۋدٸڭ دەستٷرلٸ فورماتىنا تەزٸرەك ورالۋدى قالايتىندىعىن باسا ايتتى.
«بٸراق, بارلىعى ٶزٸمٸزگە, بٷكٸل قوعامعا بايلانىستى بولادى. ۆاكتسيناتسييا قارقىنىنا, بٷگٸندە مەملەكەت قابىلداپ جاتقان ەپيدەميياعا قارسى ٸس-شارالارعا وراي كەلەسٸ وقۋ جىلىندا مەكتەپتەردٸ اشىپ, دەستٷرلٸ فورماتقا ورالامىز دەپ ٷمٸتتەنەمٸن. تاعى دا ايتامىن, بارلىعى ٶزٸمٸزگە بايلانىستى», - دەدٸ مينيستر.
