19 قاراشادا قازاقستان قور بيرجاسىندا (KASE) اقش دوللارىنىڭ ورتاشا سارالانعان باعامى ساعات 17:00-دە 449,13 تەڭگە بولدى. الدىڭعى ساۋدا كٷنٸمەن سالىستىرعاندا دوللار 4,88 تەڭگەگە قىمباتتادى, دەپ حابارلايدى ult.kz.
ساۋدا بارىسىندا بٸر دوللار 445,77–451,41 تەڭگە ارالىعىندا ساتىلدى. سوڭعى مەمٸلە 450,93 تەڭگەدەن جاسالدى. دوللارمەن جاسالعان 1 624 مەمٸلەنٸڭ جالپى كٶلەمٸ 617,58 ملن اقش دوللارىن قۇرادى.
ۇلتتىق بانكتٸڭ 19 قاراشاعا بەلگٸلەگەن رەسمي باعامى بويىنشا بٸر دوللار 444,16 تەڭگە, بٸر ەۋرو 487,29 تەڭگە بولدى. رەسەي رۋبلٸنٸڭ باعامى 5,40 تەڭگەنٸ, قىتاي يۋانٸنٸڭ باعامى 66,63 تەڭگەنٸ قۇرادى.
Kurs.kz دەرەگٸن كەلتٸرگەن Kapital.kz باسىلىمىنىڭ مەلٸمەتٸنشە, ساعات 17:06-دا استاناداعى اقشا ايىرباستاۋ ورىندارىندا دوللاردىڭ ەڭ جوعارى ساتۋ باعامى 453 تەڭگەگە, الماتىدا 451,50 تەڭگەگە جەتتٸ.