Foto: ashyq derekkóz
2025-2026 oqý jylynda qazaqstandyq bilim berý uiymdaryna 10 myńnan astam jas pedagog jumysqa qabyldandy, dep habarlaidy Ult.kz Qazaqstan Respýblikasynyń Oqý-aǵartý ministrligine silteme jasap.
Memleket basshysy Qasym-Jomart Toqaevtyń qoldaýymen júzege asyp jatqan keshendi sharalardyń nátijesinde jastardyń muǵalim bolýǵa yntasy artyp keledi. Pedagog mamandyǵy boiynsha oqyp jatqan stýdentterdiń shákirtaqysy sońǵy bes jylda 2 ese kóbeiip, jańa oqý jylynan bastap 84 myń teńgeni qurady. 2004-2005 oqý jylynda 1800-ge jýyq «Altyn belgi» iegeri pedagogikalyq mamandyqqa oqýǵa tússe, biyl 2 myńnan astam úzdik túlek ustaz mamandyǵyn tańdaǵan. Bul – osy jyly oqý bitirgen «Altyn belgi» iegerleriniń 23 paiyzǵa jýyǵy.
Jas pedagogterdi qoldaý maqsatynda pedagog-tálimgerler men pedagogikalyq qyzmetin jańa bastaityn jas mamandar úshin arnaiy bilim berý kýrstarynyń baǵdarlamalary men ádistemelikteri ázirlengen. Odan bólek aýylǵa bilikti kadrlardy tartý maqsatynda «Diplommen aýylǵa» baǵdarlamasy turaqty júzege asýda. Muǵalimniń biliktiligin arttyrý, qoǵamdaǵy mártebesin kóterý jáne sapaly bilim berý ortasyn qalyptastyrý - memlekettik bilim berý saiasatynyń basty baǵyty retinde júieli túrde júzege asyrylýda.
