Qarasha aiynyń 12-13 kúnderi aralyǵynda bas qalamyzdaǵy «Hilton Astana» qonaqúii, «Meeting room 5+6» konferents-zalynda «QAZTEST júiesiniń jańa formaty: damý perspektivalary» taqyrybynda QAZTEST júiesi boiynsha test tapsyrmalarynyń ázirleýshileri men sarapshylaryna arnalǵan biliktilikti arttyrý kýrsy ótti.
2006 jyldan beri elimizde Qazaqstan Respýblikasy Bilim jáne ǵylym ministrligi Ulttyq testileý ortalyǵynyń bazasynda tildik bilimdi baǵalaýdyń halyqaralyq júieleri talaptaryna sáikes qazaq tilin meńgerý deńgeiin baǵalaý júiesi – QAZTEST testileýi ótkizilip keledi.
Elordada ótken kýrstyń maqsaty – QAZTEST júiesiniń búgingi jai-kúii, jetistikteri men aldaǵy baǵyttary, tildik bilimdi baǵalaýdaǵy ozyq tájiribelermen tanysý, qoldaný, sonymen birge, halyqaralyq tildik bilimdi baǵalaý júieleriniń mazmunymen tanysý arqyly qazaq tilin oqytý boiynsha ádiskerlerge, oqytýshylarǵa, QAZTEST sarapshylaryna ádistemelik kómek kórsetý.
Kýrs barysynda tildik bilimdi baǵalaýdaǵy test tapsyrmalarynyń erekshelikteri talqylanyp, QAZTEST júiesiniń jańa formaty usynyldy. Test tapsyrmalaryn ázirleýshilerge QAZTEST-tiń jańa formaty negizinde ázirlengen praktikalyq tapsyrmalar tanystyrylyp, sarapshylar tarapynan baǵasyn aldy. Taǵy bir atap óterligi, kýrs tyńdaýshylary «Qyrǵyztest» ókilderi tarapynan ázirlengen tildik bilimdi baǵalaýǵa arnalǵan test tapsyrmalarymen tanysyp, ózara pikir almasty.
Is-sharaǵa Qazaqstan Respýblikasy Bilim jáne ǵylym vitse-ministri Sh.T. Karinova, Qazaqstan Respýblikasy Prezidenti Ákimshiligi Ishki saiasat bóliminiń, Qazaqstan Respýblikasy Mádeniet jáne sport ministrliginiń, Qazaqstan Respýblikasy Ulttyq qaýipsizdik komitetiniń ókilderi, Memlekettik tildi damytý qorynyń basshysy A.S. Sháýeev, Qyrǵyz Respýblikasy Úkimetiniń janyndaǵy «Qyrǵyztest» memlekettik mekemesiniń direktory, Topoeva-Stavinskaia Batma Bolotalievna jáne elimizdiń jetekshi joǵary oqý oryndarynyń tilshi-ǵalymdary, óńirlerdegi tildi oqytý ortalyqtarynyń basshylary, ádiskerleri, QAZTEST sarapshylary men ázirleýshileri qatysty.
Sonymen qatar, is-shara aiasynda QAZTEST júiesi boiynsha ázirlengen oqýlyqtar men oqý-ádistemelik quraldardyń kórmesi uiymdastyryldy.
Kýrs sońynda tyńdaýshylarǵa sertifikat tabystaldy.
