QR Ulttyq ekonomika ministri Rýslan Dálenov kommýnaldyq qyzmetterge qansha qarjy jumsaitynyn aitty, dep habarlaidy QazAqparat tilshisi.
Jańa tarifterge qatysty pikir bildirgen ol, «keshe poshta jáshiginen túbirtekti aldym. Elektr energiiasy boiynsha tarif 15,32 teńge bolsa, qazir 13,89 teńge, iaǵni tómendeý 10 paiyzdy qurady. Bul Astana boiynsha málimet. Jylý berý 3 097 teńge bolsa, 2 788 teńge deńgeiinde qalyptasty. Jalpy, 10 paiyzdyq tómendeý baiqalady. Eger de osyndai ózgerister sezilmese, onda tikelei maǵan kelýlerińizdi surar edim. Sáikesinshe, osy máseleni ózimniń baqylaýyma alamyn», - dedi vedomstvo basshysy Úkimet otrysynan keiin tilshiler saýalyna jaýap bere otyryp.
Onyń sózine qaraǵanda, ministrlik tarifterge qatysty qala men oblystar boiynsha aqparatty keńinen jariialaityn bolady. Osy oraida árbir adam monopolist málimdegen tarifti úige kelgen tólem túbirtegimen salystyra alady.
«Tarifterge qatysty kemshilikter bolsa, mindetti túrde shaǵymdaný kerek. Bul máseleni jeke baqylaýyma alamyn. Turǵyndar ózgeristerdi sezinýi tiis», - dedi Rýslan Dálenov.
Budan buryn habarlanǵandai, Ulttyq ekonomika ministri vedomstvo aldynda turǵyn mindetterdi málim etti.
