Ulttyq ekonomika ministri Álibek Qýantyrov Qazaqstan ekonomikasyn turaqtandyrý boiynsha josparyn tanystyrdy, - dep habarlaidy Tengrinews.kz tilshisi.
Ministr bul jospardyń qoǵamdyq tártip pen qaýipsizdikti qalpyna keltirý, áleýmettik jáne ózge de infraqurylymdar, áleýmettik máseleler, negizsiz baǵanyń ósýine jol bermeý, halyq pen kásipkerlikti qoldaý, uiymdastyrý-qarjylyq máseleler boiynsha 51 sharadan turatynyn aitty. Qoǵamdyq tártip pen qaýipsizdikti, áleýmettik jáne ózge de infraqurylymdy qalpyna keltirý baǵytynda josparda 11 is-shara kózdelgen.
"Memleket basshysynyń kúsh qurylymdary qyzmetkerleriniń jaýyngerlik ázirligin arttyrý jáne moraldyq rýhyn qoldaý, zaqymdalǵan jyljymaityn múlik obektilerin, sondai-aq kúsh qurylymdarynyń, densaýlyq saqtaý, bilim berý jáne kommýnaldyq sharýashylyq salalarynyń materialdyq-tehnikalyq bazasyn qalpyna keltirý jónindegi tapsyrmalaryn iske asyrý kózdelgen.
Budan bólek, áleýmettik máseleler baǵyty boiynsha 10 is-sharany iske asyrý josparlanyp jatyr. Olar jaraqat alǵan tiisti organdardyń qyzmetkerlerine ótemaqy tóleýdi, qaza tapqan osy organdar men beibit azamattardyń otbasylaryna kómek kórsetýdi, biznes pen halyqqa borysh júktemesin azaitý sharalaryn, muqtaj azamattarǵa turǵyn úi kómegin kórsetýdiń jańa tártibi men tetigin engizýdi qamtidy. Baǵanyń negizsiz ósýine jol bermeý baǵytynda 15 is-sharany iske asyrý josparlanǵan", - dedi Qýantyrov.
