© Sputnik / Viktor Tolochko
Energetika ministri Bolat Aqsholaqov Qazaqstanda atom elektr stantsiiasyn salýǵa qatysty pikir bildirdi, dep habarlaidy Sputnik Qazaqstan.
"AES qurylysy – bul óte názik másele. Sondyqtan ony salamyz ba, joq pa, ázirshe eshqandai sheshim joq. 2035 jylǵa deiingi boljamdy balans aiasynda san alýan máseleler qarastyrylyp jatyr", - dedi Aqsholaqov ortalyq kommýnikatsiialar qyzmetinde ótken onlain brifingte.
Osy oraida ministr "jasyl" ekonomikany damytý aiasynda kómir paidalanýdy qysqartýǵa týra keletinin jetkizdi. Sebebi ol ekologiialyq ziiandy otynǵa jatady. Oǵan qaraǵanda gaz taza, biraq onyń qory shekteýli.
"Sol sebepti biz ártúrli joldardy qarastyryp jatyrmyz. Sonyń biri – AES. Osy optsiia da qaralyp otyr. Biraq bul máseleni jan-jaqty ári muqiiat zerdeleý kerek. Árine, aldymen qoǵamnyń pikirin bilgen jón. Ázirshe ol stantsiianyń qai jerde salynatyny týraly naqty sheshim joq", - dep atap ótti Aqsholaqov.
Aita keteri, búginde AES salý úshin eki alań qarastyrylyp jatyr. Buǵan deiin "Samuryq-Qazyna" ulttyq ál-aýqat qorynyń basqarma tóraǵasy Almasadam Sátqaliev atom elektr stantsiiasyn Almaty oblysynda salýdyń tiimdi tusyn ataǵan bolatyn.
Budan bólek, atom elektr stantsiiasy Shyǵys Qazaqstan oblysynda salynýy múmkin. Tótenshe jaǵdailar ministrligi eki alańda jer silkinisiniń qaýpin zerdelep shyqty.
Buǵan deiin eks-ministr Maǵzum Myrzaǵaliev "jaryqsyz otyrǵansha AES salǵan" durys dep málimdegen bolatyn.
"Bul saiasi másele ǵoi. Men energetika ministri retinde ǵana pikir aita alamyn. Biz balans boiynsha stantsiiany salý qajettigin anyq kórip otyrmyz. Eki jol bolady. Jaryqsyz qarańǵyda otyramyz ba, joq, álde qajetti sheshimdi qabyldaimyz ba, ekeýiniń bireýin tańdaý qajet bolady. Osy turǵyda qarastyrýymyz qajet", - dep túsindirdi Myrzaǵaliev.
