BTS Digital bilim jobalarynyń jetekshisi Saiasat Nurbek jańa mamandyqtar atlasyn tegin kórýge bolatynyn málim etti, dep habarlaidy QazAqparat.
«Jańa mamandyqtar atlasyn qurý jumysyna ónerkásiptik odaqtardyń, salalyq qaýymdastyqtardyń, profildi ministrlikterdiń 2 myńǵa tarta sarapshysy tartyldy. Kontent qazaq, orys jáne aǵylshyn tilderinde júzege asyrylady. Kez kelgen salany, trendti, bazalyq daǵdylardy tańdap alýǵa múmkindik bar. Mamandyqtardyń kóbi jalpy kez kelgen mamanǵa gibridti daǵdylardy talap ete bastaidy. Tsifrlyq daǵlylarǵa degen jańa talaptar paida boldy», - dedi Saiasat Nurbek onlain rejimde «Bolashaq» qaýymdastyǵynyń uiymdastyrýymen ótken «Jastar jáne innovatsiialar» forýmynda.
Onyń aitýynsha, jańa mamandyqtardyń báriniiń tolyq katalogy (439 mamandyqtan turatyn) daiyn bolǵan. Salany tańdai otyryp, olardy sholyp shyǵýǵa bolady.
«Atlastan bólek biz kásip baǵdary boiynsha tsifrlyq platformany ázirledik. Testileý tsiklinen ótkennen keiin oqýshy nemese abitýrient belgili bir mamandyq boiynsha naqty keńes ala alady. Atlasta búkil salanyń tolyqqandy sipattamasy berilgen. Máselen eger taý-ken metallýrgiiany tańdap alsańyz, osy sala tolyqqandy sipattalady, sala men trendtiń ózgerisi baiandalady. Jańa, transformatsiialanǵan jáne joǵalyp bara jatqan mamandyqtardyń úsh bólimi kórsetilgen», - dedi ol.
Saiasat Nurbek bul ulttyq joba bolǵandyqtan halyqqa tegin bolatynyn jetkizdi.
