BTS Digital بٸلٸم جوبالارىنىڭ جەتەكشٸسٸ ساياسات نۇربەك جاڭا ماماندىقتار اتلاسىن تەگٸن كٶرۋگە بولاتىنىن مەلٸم ەتتٸ, دەپ حابارلايدى قازاقپارات.
«جاڭا ماماندىقتار اتلاسىن قۇرۋ جۇمىسىنا ٶنەركەسٸپتٸك وداقتاردىڭ, سالالىق قاۋىمداستىقتاردىڭ, پروفيلدٸ مينيسترلٸكتەردٸڭ 2 مىڭعا تارتا ساراپشىسى تارتىلدى. كونتەنت قازاق, ورىس جەنە اعىلشىن تٸلدەرٸندە جٷزەگە اسىرىلادى. كەز كەلگەن سالانى, ترەندتٸ, بازالىق داعدىلاردى تاڭداپ الۋعا مٷمكٸندٸك بار. ماماندىقتاردىڭ كٶبٸ جالپى كەز كەلگەن مامانعا گيبريدتٸ داعدىلاردى تالاپ ەتە باستايدى. تسيفرلىق داعلىلارعا دەگەن جاڭا تالاپتار پايدا بولدى», - دەدٸ ساياسات نۇربەك ونلاين رەجيمدە «بولاشاق» قاۋىمداستىعىنىڭ ۇيىمداستىرۋىمەن ٶتكەن «جاستار جەنە يننوۆاتسييالار» فورۋمىندا.
ونىڭ ايتۋىنشا, جاڭا ماماندىقتاردىڭ بەرٸنٸٸڭ تولىق كاتالوگى (439 ماماندىقتان تۇراتىن) دايىن بولعان. سالانى تاڭداي وتىرىپ, ولاردى شولىپ شىعۋعا بولادى.
«اتلاستان بٶلەك بٸز كەسٸپ باعدارى بويىنشا تسيفرلىق پلاتفورمانى ەزٸرلەدٸك. تەستٸلەۋ تسيكلٸنەن ٶتكەننەن كەيٸن وقۋشى نەمەسە ابيتۋريەنت بەلگٸلٸ بٸر ماماندىق بويىنشا ناقتى كەڭەس الا الادى. اتلاستا بٷكٸل سالانىڭ تولىققاندى سيپاتتاماسى بەرٸلگەن. مەسەلەن ەگەر تاۋ-كەن مەتاللۋرگييانى تاڭداپ الساڭىز, وسى سالا تولىققاندى سيپاتتالادى, سالا مەن ترەندتٸڭ ٶزگەرٸسٸ باياندالادى. جاڭا, ترانسفورماتسييالانعان جەنە جوعالىپ بارا جاتقان ماماندىقتاردىڭ ٷش بٶلٸمٸ كٶرسەتٸلگەن», - دەدٸ ول.
ساياسات نۇربەك بۇل ۇلتتىق جوبا بولعاندىقتان حالىققا تەگٸن بولاتىنىن جەتكٸزدٸ.
