QR bas sanitar dárigeriniń jańa qaýlysy boiynsha kóterme jáne bólshektep satý (saqtaý) obektilerine qoiylatyn talaptar belgilendi, dep habarlaidy QazAqparat.
«Osy qaýlyǵa qosa berilgen 5-qosymshaǵa sáikes ónimdi saqtaý qamtamasyz etilsin», - dep jazylǵan qaýlyda.
Atalǵan qosymshada mynandai talaptar kórsetilgen:
1. 5 jasqa deiingi balalardy qospaǵanda, saýda nysanynyń aýmaǵyna maskasyz kirýge jáne onda bolýǵa jol berilmeidi.
2. Jumys oryndaryn jáne kelýshilerge arnalǵan bólmelerdi turaqty jeldetýdi júzege asyrý qajet.
3. Obekti ákimshiligi men jaýapty adamdar kelýshilerdiń, qyzmetkerlerdiń mindetti túrde maska kiiýin qadaǵalaidy.
4. Saýda obektisiniń menshik iesi:
1) kireberiste, saýda zaldarynyń holdarynda, dálizderde, sanitariialyq toraptarǵa kireberiste, sondai-aq árbir býtikte teri antiseptigi bar sanitaizerler ornatýdy;
2) jumyskerler arasynda jeke/óndiristik gigiena qaǵidalaryn saqtaý jáne olardyń múltiksiz saqtalýyn baqylaý, kvarts shamdaryn paidalaný kezindegi qaýipsizdik sharalary týraly nusqama júrgizýdi;
3) jeke gigiena quraldarymen sanitariialyq toraptardy (suiyq sabyn, antiseptikter, dárethana qaǵazy);
4) halyqqa antiseptiktermen qoldy óńdeý arqyly maska kiip qyzmet kórsetýdi;
5) árbir 2 saǵat saiyn jeldetý rejimin saqtaýdy qamtamasyz ete otyryp, saýda obektileriniń ishinde profilaktikalyq tekserý (súzgilerdi aýystyrýdy, aýa ótkizgishterdi dezinfektsiialaýdy qosa alǵanda) júrgize otyryp, jeldetý júieleri men aýany baptaý júieleriniń úzdiksiz jumys isteýin;
6) tehnikalyq personaldyń (tazalaýshynyń) jeke qorǵanysh quraldaryn (qolǵap, meditsinalyq maska) paidalana otyryp, arnaiy kiimde dezinfektsiia júrgizýdi;
7) óndiristik jáne turmystyq úi-jailardy dezinfektsiialai otyryp, esik tutqalaryn, ajyratqyshtardy, tutqalardy, taianyshtardy, janasatyn betterdi (jabdyqtardy, múkámmaldy, ústelderdi, oryndyqtardy), ortaq paidalanylatyn oryndardy (kiim iletin oryndardy, tamaq ishetin, demalatyn bólmelerdi, sanitariialyq toraptardy) mindetti túrde dezinfektsiialai otyryp ylǵaldy jinaýdy júrgizýdi;
8) dezinfektsiialaý jáne jýý quraldarynyń qoryn;
9) dezinfektsiialaý quraldarymen jumys isteýge densaýlyq jaǵdaiy boiynsha qarsy kórsetilimderi joq kámeletke tolǵan adamdardy jiberýdi;
10) dezinfektsiialaý quraldaryn daiyndaýshynyń qaptamasynda, arnaiy bólingen qurǵaq, salqyn jáne qarańǵylanǵan, balalardyń qoly jetpeitin jerde tyǵyz jabylǵan kúiinde saqtaýdy qamtamasyz etedi.
5. Fýd-korttardyń jumys isteýi osy qaýlynyń 18-qosymshasyna sáikes qoǵamdyq oryndar obektilerine qoiylatyn sanitariialyq talaptardy saqtaǵan jaǵdaida qamtamasyz etiledi.
Qaýlynyń tolyq mátinin myna jerden kórýge bolady:
