Almaty qalasynyń bas sanitar dárigeri Jandarbek Bekshinniń jańa qaýlysy shyqty, dep habarlaidy «Ult aqparat».
«15 adamnan aspaityn toptardyń jiyntyǵyn saqtaý kezinde kezekshi toptardan basqa mektepke deiingi balalar mekemeleriniń qyzmetine tyiym salynady» delingen qaýlyda.
Qujatta budan bylai koronavirýs testiniń nátijesi oń bolǵannyń bári aýrýhanaǵa jatqyzylatyny da aitylǵan. Saýda jáne oiyn-saýyq ortalyqtary demalys kúnderi jabylady, kafelerge saǵat 20.00-ge deiin jumys isteýge ruqsat etildi.
Bólek turǵan jáne iri saýda obektilerinde ornalasqan sýpermarketterdiń, dúkender men dárihanalardyń jumysyna belgili bir jaǵdailarda ruqsat beriledi.
Buǵan deiin Almatyda demalys kúnderi saýda ortalyqtarynyń jumysyna tyiym salynǵanyn habarlaǵan bolatynbyz. Sonymen qatar, 1 aqpannan bastap kinoteatrlar jumys istemeidi.
