Saiasattaný, áleýmettaný men filosofiia, tarih, psihologiia, pedagogika, ekonomika, mádeniettaný jáne filologiia ǵylymdary boiynsha stýdentterge zamanaýi bilim berýge qajetti jaǵdai jasaý úshin Elbasy Nursultan Nazarbaev «Bolashaqqa baǵdar: Rýhani jańǵyrý» maqalasynda arnaiy tapsyrma berdi. Osy tapsyrmany oryndaý maqsatynda 2017 jyly «Jańa gýmanitarlyq bilim. Qazaq tilindegi 100 jańa oqýlyq» jobasy qolǵa alyndy. Jobany júzege asyrý úshin Ulttyq aýdarma biýrosy quryldy. Bul týraly «Ult» portaly jazady.
Bul jobanyń basty maqsaty – gýmanitarlyq baǵyttaǵy álemniń eń úzdik oqýlyqtaryn qazaq tiline aýdaryp, eldegi barlyq joǵary oqý ornyna jetkizý. Sondai-aq, sol arqyly gýmanitarlyq bilim men ǵylymnyń mazmunyn jańartý kózdelip otyr.
Resmi derekterge siikes, qazaq tiline aýdarylatyn oqýlyqtardy irikteý kezinde 800-den asa usynys tústy. Onyń barlyǵy arnaiy jumys tobynyń qaraýyna jiberildi.
Oqýlyqty tańdaýda birneshe talap eskerildi:
álemniń eń ozyq 100 ýniversitetiniń oqý baǵdarlamasynda bolýy;
keminde úsh basylymda jaryq kórýi;
keiingi 3 jylda basylyp shyǵýy;
mazmunynyń beitarap sipatta bolýy;
zamanǵa sai, túrli interaktivti qosymshalarynyń bolýy.
2020 jyldyń 30 qańtaryndaǵy málimet boiynsha, tańdap alynǵan júz kitaptyń 47 oqýlyǵy aýdarylyp shyqty. Olar 10 myń danamen basylyp, elimizdegi 132 JOO-ǵa taratyldy. Oqýlyqtardyń basym bóligi aǵylshyn tilinen, sonymen qatar frantsýz jáne orys tilderinen aýdarylǵan.
Iriktelgen oqý quraldaryn qazaq tiline aýdarýǵa Qazaqstannyń aldyńǵy qatarly oqý oryndarynyń oqytýshylary, bilikti aýdarmashylar men redaktorlar tartyldy.
Kez kelgen oqyrman 100kitap.kz saityndaǵy keri bailanys júiesi arqyly óziniń oi-pikirin bildire alady. Nátijesinde, sońǵy 10 jyl boiy bestseller qatarynan tabylyp júrgen Stiven Kovidiń «Jasampaz jandardyń 7 daǵdysy», álem nazaryn aýdarǵan Iýval Hararidiń «Sapiens: adamzattyń qysqasha tarihy», «Homo Deus: bolashaqtyń qysqasha tarihy», «XXI ǵasyrǵa 21 sabaq» týyndylary qazaq tiline aýdaryldy.
Oqýlyqtardyń elektrondyq nusqasy da ázirlenip, olar «Qazaqstannyń ashyq ýniversiteti» – OpenU.kz platformasyna júktelgen.
Ótken jyly 9 myńǵa jýyq sózdi qamtityn «Qazaq tiliniń kirme sózderiniń sózdigi» daiyndalyp, basylyp shyqty. Sonymen qatar «Oksford áleýmettik ǵylymdar sózdigi», «Oksford ekonomika sózdigi» jaryq kórdi. Sózdikter 10 myń danamen basylyp, kóptegen oqý oryndaryna taratyldy. 2020 jyly Oksford baspasymen birlesip, kólemi myń betten asatyn «Oxford Kazakh Dictionary» qazaqsha-aǵylshynsha jáne aǵylshynsha-qazaqsha sózdikterdi shyǵarý josparlanyp otyr.
