Jambyl oblysy politsiia departamentiniń bastyǵy azamattardy onlain qabyldady, dep habarlaidy "Ult aqparat".
QR ishki ister ministrliginiń azamattardy biryńǵai qabyldaý kúni aiasynda Jambyl oblysy politsiia departamentiniń bastyǵy, politsiia general-maiory Janat Súleimenov onlain rejimde qabyldaý ótkizdi.
Ótkizilgen sharanyń negizgi maqsaty - halyqpen keri bailanysty qamtamasyz etý, ózekti máselelerdi sheshý, sondai-aq azamattardyń politsiiaǵa senimin arttyrý. Bul týraly atalǵan departamenttiń baspasóz qyzmeti habarlady.
«PD basshylyǵy qabyldaýǵa jazylǵan barlyq azamattardy qabyldady. Ótinish bildirgenderdiń negizgi máseleleri mal urlyǵyn ashýmen, muragerlikpen bailanysty qujattardy qoldan jasaý týraly is boiynsha talqylaýmen, ákimshilik quqyq buzýshylyq týraly hattamamen kelispeýmen bailanysty boldy. Barlyq ótinishter boiynsha qyzmet basshylaryna naqty tapsyrmalar berildi. Qosymsha tekserýdi qajet etetin shaǵymdardy Janat Súleimenov jeke baqylaýyna aldy. Materialdardy zerdeleý aiaqtalǵannan keiin tiisti sharalar qabyldanyp, nátijeleri týraly ótinish berýshilerge qosymsha habarlanatyn bolady»,-delingen vedomstvo habarlamasynda.
Aita keteiik, jyl basynan beri oblystyq politsiia departamentiniń basshylyǵy 157 azamatty qabyldasa, onyń ishinde departamenttiń bastyǵy jeke 95 adamdy qabyldap, ótinish-usynystaryna qulaq asqan.
