جامبىل وبلىسى پوليتسييا دەپارتامەنتٸنٸڭ باستىعى ازاماتتاردى ونلاين قابىلدادى, دەپ حابارلايدى "ۇلت اقپارات".
قر ٸشكٸ ٸستەر مينيسترلٸگٸنٸڭ ازاماتتاردى بٸرىڭعاي قابىلداۋ كٷنٸ اياسىندا جامبىل وبلىسى پوليتسييا دەپارتامەنتٸنٸڭ باستىعى, پوليتسييا گەنەرال-مايورى جانات سٷلەيمەنوۆ ونلاين رەجيمدە قابىلداۋ ٶتكٸزدٸ.
ٶتكٸزٸلگەن شارانىڭ نەگٸزگٸ ماقساتى - حالىقپەن كەرٸ بايلانىستى قامتاماسىز ەتۋ, ٶزەكتٸ مەسەلەلەردٸ شەشۋ, سونداي-اق ازاماتتاردىڭ پوليتسيياعا سەنٸمٸن ارتتىرۋ. بۇل تۋرالى اتالعان دەپارتامەنتتٸڭ باسپاسٶز قىزمەتٸ حابارلادى.
«پد باسشىلىعى قابىلداۋعا جازىلعان بارلىق ازاماتتاردى قابىلدادى. ٶتٸنٸش بٸلدٸرگەندەردٸڭ نەگٸزگٸ مەسەلەلەرٸ مال ۇرلىعىن اشۋمەن, مۇراگەرلٸكپەن بايلانىستى قۇجاتتاردى قولدان جاساۋ تۋرالى ٸس بويىنشا تالقىلاۋمەن, ەكٸمشٸلٸك قۇقىق بۇزۋشىلىق تۋرالى حاتتامامەن كەلٸسپەۋمەن بايلانىستى بولدى. بارلىق ٶتٸنٸشتەر بويىنشا قىزمەت باسشىلارىنا ناقتى تاپسىرمالار بەرٸلدٸ. قوسىمشا تەكسەرۋدٸ قاجەت ەتەتٸن شاعىمداردى جانات سٷلەيمەنوۆ جەكە باقىلاۋىنا الدى. ماتەريالداردى زەردەلەۋ اياقتالعاننان كەيٸن تيٸستٸ شارالار قابىلدانىپ, نەتيجەلەرٸ تۋرالى ٶتٸنٸش بەرۋشٸلەرگە قوسىمشا حابارلاناتىن بولادى»,-دەلٸنگەن ۆەدومستۆو حابارلاماسىندا.
ايتا كەتەيٸك, جىل باسىنان بەرٸ وبلىستىق پوليتسييا دەپارتامەنتٸنٸڭ باسشىلىعى 157 ازاماتتى قابىلداسا, ونىڭ ٸشٸندە دەپارتامەنتتٸڭ باستىعى جەكە 95 ادامدى قابىلداپ, ٶتٸنٸش-ۇسىنىستارىنا قۇلاق اسقان.
