Jambyl oblysynyń politseiler jeti jyl boiy halyqaralyq izdeýde bolǵan qylmyskerdi Qyrǵyzstanda ustady, dep habarlaidy "Ult aqparat".
4 qarashada Jambyl oblysynyń politsiia departamenti qyzmetkerleri Qyrǵyz Respýblikasy Ishki ister basqarmasy qyzmetkerlerimen birlesip, 33 jastaǵy qylmyskerdi qolǵa túsirdi. Ol 2013 jyldan beri adam óltirgeni úshin halyqaralyq izdeýde bolǵan. Bul týraly Jambyl oblystyq politsiia departamentiniń baspasóz qyzmeti habarlady.
«Qylmysker 2013 jyly 21 maýsym kúni, túngi saǵat 01.00 shamasynda Merki aýdanynda oryn alǵan janjaldan keiin, qarsylasyna qarý qoldanyp, oq atqan. Aýyr jaraqat alǵan 40 jastaǵy er adam oqiǵa ornynda qaza tapqan. Qazirgi ýaqytta qylmysker Qyrǵyz Respýblikasynyń Shý oblysy boiynsha ishki ister basqarmasynyń ýaqytsha ustaý izoliatoryna qamaldy. Ony Jambyl oblysyna ekstraditsiialaý máselesi sheshilýde», - delingen vedomstvo habarlamasynda.
Aita ketý kerek, jyl basynan beri Jambyl oblysynyń PD kriminaldyq politsiiasynyń qyzmetkerleri TMD elderiniń quqyq qorǵaý organdarynyń izdeýinde júrgen 19 qylmyskerdi anyqtap, ustaǵan.
