Jambyl oblysy ákiminiń ókimimen Erlan Nurmanuly Júnisbai Jambyl oblysy mádeniet, arhivter jáne qujattama basqarmasynyń basshysy mindetin ýaqytsha atqarýshy bolyp taǵaiyndaldy, dep habarlaidy "Ult aqparat".
Erlan Júnisbai 1976 jyly týǵan. Bilimi joǵary.
1998 jyly T.Júrgenov atyndaǵy Qazaq ulttyq óner akademiiasyn «Drama jáne kino aktery» mamandyǵy boiynsha támamdady.
Al 2018 jyly L.N.Gýmilev atyndaǵy Eýraziia ulttyq ýniversitetinde «Gýmanitarlyq ǵylymdar magistri» dárejesin alǵan.
Eńbek jolyn 2001 jyly «MýzArt» tobynyń direktory bolyp bastaǵan.
2003-2007 jyldary «Qazaq áýenderi» AQ «Qazaqkontsert» kontserttik birlestiginiń menedjeri, 2009-2016 jyldary «Qazaq áýenderi» AQ «Qazaqkontsert» kontserttik birlestiginiń bas menedjeri, 2017-2020 jyldary «GG CINEMA» JShS direktory qyzmetterin atqarǵan.
Óner salasyndaǵy jetistikteri úshin «Qazaqstan Respýblikasy Táýelsizdigine 25 jyl» merekelik medalimen jáne «Mádeniet salasynyń úzdigi» tósbelgisimen marapattalǵan.
