Jambyl oblysynda áskeri bólimdegi jarylys saldarynan oqiǵa ornyna taqaý ornalasqan úilerdiń turǵyndary qaýipsiz jerge kóshiriledi. Bul jaiynda QR Qorǵanys ministriniń orynbasary general-leitenant Rýslan Shpekbaev málim etti, dep habarlaidy QazAqparat.
«Jambyl oblysynyń Baizaq aýdanynda ornalasqan áskeri bólimde saǵat shamamen 19-00-de qoimalardyń biriniń janynan órt shyqqan. Órtti sóndirýge bólimniń órt sóndirý komandasy shynjyrly órt sóndirý mashinasymen jedel kiristi. Olarǵa Jambyl oblystyq TJD órt sóndirý bólimsheleri kómek kórsetip jatyr. Órttiń bir bóligi sóndirildi. Buǵan qaramastan órt saldyrynan belgisiz zattyń jarylýy oryn aldy. Órt oshaǵyn sóndirý jalǵasýda», - dedi general-leitenat.
Sonymen qatar ol órttiń shyǵý sebebi anyqtalý ústinde ekendigin atap ótedi.
«Qoimada negizinen injenerlik oq-dáriler saqtalǵan. Olar alysqa ushpaidy. Degenmen, turǵyndardyń qaýipsizdigin saqtaý maqsatynda taiaý mańdaǵy úilerdiń turǵyndaryn evakýatsiialaý týraly sheshim qabyldandy. Oqiǵa ornyna QR Qorǵanys ministriniń basshylyǵymen komissiia jiberildi. Komissiia apat saldaryn joiýmen ainalysatyn bolady», - dedi Rýslan Shpekbaev.
