جامبىل وبلىسىندا ەسكەري بٶلٸمدەگٸ جارىلىس سالدارىنان وقيعا ورنىنا تاقاۋ ورنالاسقان ٷيلەردٸڭ تۇرعىندارى قاۋٸپسٸز جەرگە كٶشٸرٸلەدٸ. بۇل جايىندا قر قورعانىس مينيسترٸنٸڭ ورىنباسارى گەنەرال-لەيتەنانت رۋسلان شپەكباەۆ مەلٸم ەتتٸ, دەپ حابارلايدى قازاقپارات.
«جامبىل وبلىسىنىڭ بايزاق اۋدانىندا ورنالاسقان ەسكەري بٶلٸمدە ساعات شامامەن 19-00-دە قويمالاردىڭ بٸرٸنٸڭ جانىنان ٶرت شىققان. ٶرتتٸ سٶندٸرۋگە بٶلٸمنٸڭ ٶرت سٶندٸرۋ كومانداسى شىنجىرلى ٶرت سٶندٸرۋ ماشيناسىمەن جەدەل كٸرٸستٸ. ولارعا جامبىل وبلىستىق تجد ٶرت سٶندٸرۋ بٶلٸمشەلەرٸ كٶمەك كٶرسەتٸپ جاتىر. ٶرتتٸڭ بٸر بٶلٸگٸ سٶندٸرٸلدٸ. بۇعان قاراماستان ٶرت سالدىرىنان بەلگٸسٸز زاتتىڭ جارىلۋى ورىن الدى. ٶرت وشاعىن سٶندٸرۋ جالعاسۋدا», - دەدٸ گەنەرال-لەيتەنات.
سونىمەن قاتار ول ٶرتتٸڭ شىعۋ سەبەبٸ انىقتالۋ ٷستٸندە ەكەندٸگٸن اتاپ ٶتەدٸ.
«قويمادا نەگٸزٸنەن ينجەنەرلٸك وق-دەرٸلەر ساقتالعان. ولار الىسقا ۇشپايدى. دەگەنمەن, تۇرعىنداردىڭ قاۋٸپسٸزدٸگٸن ساقتاۋ ماقساتىندا تاياۋ ماڭداعى ٷيلەردٸڭ تۇرعىندارىن ەۆاكۋاتسييالاۋ تۋرالى شەشٸم قابىلداندى. وقيعا ورنىنا قر قورعانىس مينيسترٸنٸڭ باسشىلىعىمەن كوميسسييا جٸبەرٸلدٸ. كوميسسييا اپات سالدارىن جويۋمەن اينالىساتىن بولادى», - دەدٸ رۋسلان شپەكباەۆ.
