Álibek Qalbaidyń ólimine qatysty birge boryshyn ótegen sarbaz kúdikti dep tanyldy. Áskeri prokýratýrada sotqa deiingi tergeý kezinde kúdiktiniń kinásin dáleldeitin materialdar jinalǵanyn málimdedi. Bul istiń núktesin sot qoiady, - dep habarlaidy Massaget.kz portaly "Habar 24" arnasyna silteme jasap.
"Eki sarbaz da bir bólimde bolǵan. Qatelespesem, Amanjolov - Atyraýdan, al Qalbai - Mańǵystaý oblysynan. BAQ málimetterine sáikes, týystary laýazymdy tulǵalardy jaýapqa tartý keregin aitqan. Búgingi tańda bólim komandiri qyzmetinen bosatyldy, ózge de laýazymdy adamdar tekserilip jatyr", – dedi Bas áskeri prokýrordyń aǵa kómekshisi Erkin Qoja-Ahmet.
Eske salaiyq, mańǵystaýlyq sarbaz Álibek Qalbai áskerge shaqyrylǵanyna birneshe kún ótkende qaitys boldy. Oqiǵa Jambyl oblysy Qordaida bolǵan.
Ol 22 sáýirde Gvardeiskii kentindegi qalalyq tiptegi áskeri aýrýhanada qaitys bolǵan edi.
"Sarbaz tańerteń sapqa turý kezinde talyp qalǵan. Áskeri qyzmetshige qajetti meditsinalyq kómek kórsetildi. Alaida ol esin jimastan qaitys boldy. Jaýyngerdiń qaitys bolý deregi boiynsha tekserý bastaldy. Qorǵanys ministrliginiń basshylyǵy men Qarýly Kúshterdiń jeke quramy Álibek Qalbaidyń týystary men jaqyndaryna qaiǵyryp kóńil aitady", - delingen habarlamada.
