ەلٸبەك قالبايدىڭ ٶلٸمٸنە قاتىستى بٸرگە بورىشىن ٶتەگەن سارباز كٷدٸكتٸ دەپ تانىلدى. ەسكەري پروكۋراتۋرادا سوتقا دەيٸنگٸ تەرگەۋ كەزٸندە كٷدٸكتٸنٸڭ كٸنەسٸن دەلەلدەيتٸن ماتەريالدار جينالعانىن مەلٸمدەدٸ. بۇل ٸستٸڭ نٷكتەسٸن سوت قويادى, - دەپ حابارلايدى Massaget.kz پورتالى "حابار 24" ارناسىنا سٸلتەمە جاساپ.
"ەكٸ سارباز دا بٸر بٶلٸمدە بولعان. قاتەلەسپەسەم, امانجولوۆ - اتىراۋدان, ال قالباي - ماڭعىستاۋ وبلىسىنان. باق مەلٸمەتتەرٸنە سەيكەس, تۋىستارى لاۋازىمدى تۇلعالاردى جاۋاپقا تارتۋ كەرەگٸن ايتقان. بٷگٸنگٸ تاڭدا بٶلٸم كومانديرٸ قىزمەتٸنەن بوساتىلدى, ٶزگە دە لاۋازىمدى ادامدار تەكسەرٸلٸپ جاتىر", – دەدٸ باس ەسكەري پروكۋروردىڭ اعا كٶمەكشٸسٸ ەركٸن قوجا-احمەت.
ەسكە سالايىق, ماڭعىستاۋلىق سارباز ەلٸبەك قالباي ەسكەرگە شاقىرىلعانىنا بٸرنەشە كٷن ٶتكەندە قايتىس بولدى. وقيعا جامبىل وبلىسى قوردايدا بولعان.
ول 22 سەۋٸردە گۆاردەيسكيي كەنتٸندەگٸ قالالىق تيپتەگٸ ەسكەري اۋرۋحانادا قايتىس بولعان ەدٸ.
"سارباز تاڭەرتەڭ ساپقا تۇرۋ كەزٸندە تالىپ قالعان. ەسكەري قىزمەتشٸگە قاجەتتٸ مەديتسينالىق كٶمەك كٶرسەتٸلدٸ. الايدا ول ەسٸن جيماستان قايتىس بولدى. جاۋىنگەردٸڭ قايتىس بولۋ دەرەگٸ بويىنشا تەكسەرۋ باستالدى. قورعانىس مينيسترلٸگٸنٸڭ باسشىلىعى مەن قارۋلى كٷشتەردٸڭ جەكە قۇرامى ەلٸبەك قالبايدىڭ تۋىستارى مەن جاقىندارىنا قايعىرىپ كٶڭٸل ايتادى", - دەلٸنگەن حابارلامادا.
