20 sáýir tańǵy saǵat bes shamasynda Jambyl oblysy, Qordai aýdany Almaty - Tashkent baǵytyndaǵy trassanyń 181-shi shaqyrymynda Toyota kóligi jol jieginde toqtap turǵan júk kóligine soǵylǵan. Kólik artynda kele jatqan avtobýs aýdarylǵan.
"Kólik apatynan 11 adam qaza tapty, 30 adam zardap shekti" dep habarlady Qazaqstannyń ishki ister ministrliginiń baspasóz qyzmeti.
Ministrliktiń baspasóz hatshysy Nurdildá Orazdyń aitýynsha, oqiǵa ornyna oblys ákiminiń orynbasary Bekbolat Orynbekov, oblys prokýrory Jarqyn Qusaiynov, oblystyq politsiia departamenti, tótenshe jaǵdai jáne qorǵanys isteri basqarmasy ókilderi ketken.
Kólik apatyna bailanysty "jol erejesin buzý", "kólik quraldaryn paidalaný qaǵidalaryn buzý" faktisi boiynsha sotqa deiingi tergeý bastalǵan.
Ishki ister ministrliginiń qyzmetkerleri men oblystyq politsiia departamenti ókilderinen quralǵan shuǵyl-tergeý toby qurylǵan.
"Oblys ákimdigi jedel shtab jumysyn uiymdastyryp, oblystyq tótenshe jaǵdailar departamenti psihologtar kezekshilik etetin +7(7262) 513575 jáne +7(7262)514167 "qaýyrt jelisin" iske qosty. Jol-kólik apaty faktisi boiynsha Qazaqstan Respýblikasy Qylmystyq kodeksiniń 345-babynyń 4-tarmaǵymen qylmystyq is qozǵaldy. Ishki ister ministriniń buiryǵymen IIM jáne oblystyq politsiia departamentiniń qyzmetkerlerinen jasaqtalǵan jedel-tergeý toby quryldy. Avtokólik quraldary júrgizýshileriniń kinási sot saraptamalarynyń qorytyndysyn eskere otyryp, tergeý barysynda anyqtalatyn bolady", - delingen taratylǵan aqparatta.
