20 سەۋٸر تاڭعى ساعات بەس شاماسىندا جامبىل وبلىسى, قورداي اۋدانى الماتى - تاشكەنت باعىتىنداعى تراسسانىڭ 181-شٸ شاقىرىمىندا Toyota كٶلٸگٸ جول جيەگٸندە توقتاپ تۇرعان جٷك كٶلٸگٸنە سوعىلعان. كٶلٸك ارتىندا كەلە جاتقان اۆتوبۋس اۋدارىلعان.
"كٶلٸك اپاتىنان 11 ادام قازا تاپتى, 30 ادام زارداپ شەكتٸ" دەپ حابارلادى قازاقستاننىڭ ٸشكٸ ٸستەر مينيسترلٸگٸنٸڭ باسپاسٶز قىزمەتٸ.
مينيسترلٸكتٸڭ باسپاسٶز حاتشىسى نۇردٸلدە ورازدىڭ ايتۋىنشا, وقيعا ورنىنا وبلىس ەكٸمٸنٸڭ ورىنباسارى بەكبولات ورىنبەكوۆ, وبلىس پروكۋرورى جارقىن قۇسايىنوۆ, وبلىستىق پوليتسييا دەپارتامەنتٸ, تٶتەنشە جاعداي جەنە قورعانىس ٸستەرٸ باسقارماسى ٶكٸلدەرٸ كەتكەن.
كٶلٸك اپاتىنا بايلانىستى "جول ەرەجەسٸن بۇزۋ", "كٶلiك قۇرالدارىن پايدالانۋ قاعيدالارىن بۇزۋ" فاكتٸسٸ بويىنشا سوتقا دەيٸنگٸ تەرگەۋ باستالعان.
ٸشكٸ ٸستەر مينيسترلٸگٸنٸڭ قىزمەتكەرلەرٸ مەن وبلىستىق پوليتسييا دەپارتامەنتٸ ٶكٸلدەرٸنەن قۇرالعان شۇعىل-تەرگەۋ توبى قۇرىلعان.
"وبلىس ەكٸمدٸگٸ جەدەل شتاب جۇمىسىن ۇيىمداستىرىپ, وبلىستىق تٶتەنشە جاعدايلار دەپارتامەنتٸ پسيحولوگتار كەزەكشٸلٸك ەتەتٸن +7(7262) 513575 جەنە +7(7262)514167 "قاۋىرت جەلٸسٸن" ٸسكە قوستى. جول-كٶلٸك اپاتى فاكتٸسٸ بويىنشا قازاقستان رەسپۋبليكاسى قىلمىستىق كودەكسٸنٸڭ 345-بابىنىڭ 4-تارماعىمەن قىلمىستىق ٸس قوزعالدى. ٸشكٸ ٸستەر مينيسترٸنٸڭ بۇيرىعىمەن ٸٸم جەنە وبلىستىق پوليتسييا دەپارتامەنتٸنٸڭ قىزمەتكەرلەرٸنەن جاساقتالعان جەدەل-تەرگەۋ توبى قۇرىلدى. اۆتوكٶلٸك قۇرالدارى جٷرگٸزۋشٸلەرٸنٸڭ كٸنەسٸ سوت ساراپتامالارىنىڭ قورىتىندىسىن ەسكەرە وتىرىپ, تەرگەۋ بارىسىندا انىقتالاتىن بولادى", - دەلٸنگەن تاراتىلعان اقپاراتتا.
