Jambyl oblysynda koronavirýsqa qarsy vaktsinatsiialaý 20 egý bólmesinde júrgiziledi, dep habarlaidy "Ult aqparat".
Alǵashqylardyń biri bolyp vaktsina qabyldaǵan Jambyl oblystyq densaýlyq saqtaý basqarmasynyń basshysy Áset Qalievtiń aitýynsha, oblys boiynsha vaktsinatsiia qajetti tońazytqysh quraldarymen jabdyqtalǵan 20 egý bólmesinde júrgiziletin bolady. Naqtyraq aitsaq, Taraz qalasyndaǵy toǵyz emhanada, Shý qalasy jáne 10 aýdannyń emdeý mekemelerinde júzege aspaq. Ol úshin 140-tan astam maman arnaiy oqýdan ótken. Vaktsinatsiia protsesi densaýlyq saqtaý basqarmasy men sanitarlyq-epidemiologiialyq qadaǵalaý departamentiniń qatań baqylaýynda bolady.
«Men óz erkimmen keldim, ózimdi jáne týystarymdy koronavirýstyq infektsiiadan qorǵaǵym keledi. Aýrý óte qaýipti, oǵan kúndelikti kózim jetýde. Sondyqtan barshańyzdy osy vaktsinatsiialaýǵa jaýapkershilikpen qaraýǵa shaqyramyn»,-deidi ótken jyldyń mamyr aiynan bastap «qyzyl aimaqta» jumys istep kele jatqan oblystyq kópbeiindi balalar aýrýhanasynyń reanimatolog dárigeri Oljas Kenjebaev.
«Vaktsina qabyldaý qajet. Men alǵashqylardyń biri bolyp kelip otyrmyn, basqalar bizden úlgi alady dep úmittenemin», - deidi Jambyl oblysy boiynsha Ulttyq saraptama ortalyǵynyń asa qaýipti infektsiialar zerthanasynyń meńgerýshisi Máriiamkúl Qulataeva.
Shtattan tys bas epidemiolog Gýli Myrzabekovanyń aitýynsha, aqpan aiynda vaktsinany bes myń adam qabyldaidy. Jalpy, birinshi jartyjyldyqta 100 myń jambyldyqqa egý josparlanǵan. Aǵymdaǵy jyldyń ekinshi jartyjyldyǵynan bastap klinikalyq zertteýlerdiń úshinshi kezeńi aiaqtalǵannan keiin otandyq QazCovid-in preparatymen vaktsinatsiialaý bastalady.
