Jambyl oblysynda nóser jaýyn saldarynan temirjol kópiri shaiylyp ketkendikten, alty jolaýshylar poiyzy toqtatyldy, dep habarlaidy "Ult aqparat".
15 tamyzda 19 saǵat 10 minýtta TJD kezekshi qyzmetine Shý aýdanynda, Aspara aýylynan eki shaqyrym jerde, qatty jaýyn-shashynnyń túsýinen temirjol kópiri men avtojol astyndaǵy sý ótkizý qurylystarynda sý aǵyny paida bolǵany týraly aqparat kelip túsken.
Saldarynan respýblikalyq mańyzy bar «Merki-Shý-Býrylbaital» avtojolynyń 68 shaqyrymy, shamamen eni 3 shaqyrym bolatyn bóligi sýmen shaiylyp ketken.
«Sondai-aq, «Aspara-Shý» 3717 km qatynasyndaǵy temirjol kópiriniń tirek-negizderi jartylai shaiylǵan. Temirjoldyń eki jelisi jabylyp, poiyzdar qozǵalysy toqtatylǵan. Jambyl oblysy TJ departamentinde shtab uiymdastyryldy jáne 8 7262 51 41 67 nómirinde jedel jeli ashyldy», - delingen TJD baspasóz qyzmetiniń habarlamasynda.
«QTJ» UK» AQ jáne «Qazavtojol» AQ kúshimen barlyǵy 42 adam jáne 17 tehnika jóndeý - qalpyna keltirý jumystaryna jumyldyrylǵan.
Oqiǵa ornyna TJD basshylyǵy men jergilikti atqarýshy organdardyń ókilderi (8 adam jáne 3 birlik tehnika) jetti.
Jumysty 16 tamyzda tańerteń aiaqtaý josparlanǵan. Osyǵan bailanysty kelesi jolaýshylar poiyzdarynyń keshigýi kútiledi:
- No712 Shymkent-Nur-Sultan Nurly jol baǵyty boiynsha;
- No78 Mańǵystaý - Almaty -2 baǵyty boiynsha;
-No 42 Atyraý-Almaty-2 baǵyty boiynsha;
- No 23 Almaty -1 - Aqtóbe baǵyty boiynsha;
- No 29 Almaty -2 - Atyraý baǵyty boiynsha;
- No 33 «Almaty -2 - Aqtóbe» baǵyty boiynsha.
